web counter
LEXO PA REKLAMA!

SHKARKO APP

App Store
Google Play

E fundit!

x

“14 maji”/ Berisha prezanton Behar Haxhiun për Kurbinin: Shërbëtor i përkushtuar i qytetarëve

25 Mars 2023, 18:57, Politikë CNA

“14 maji”/ Berisha prezanton Behar Haxhiun për Kurbinin:

Kreu i Partisë Demokratike, Sali Berisha ka prezantuar përpara qytetarëve të Kurbinit, Behar Haxhiun, kandidatin e opozitës për zgjedhjet e 14 majit.

Gjatë fjalës së tij ai e ka përshkruar Haxhiun si një njeri i cili ka kaluar disa sprova në jetën e tij politike dhe si një shërbëtor të bindur dhe të përkushtuar të qytetarëve.

Haxhiu sipas kryedemokratit, është një person i cili ka harxhuar energjitë e tij për të zgjidhur hallet dhe problemet e qytetarëve të Kurbinit, ndaj dhe do të jetë kandidati i fitores.

“Vij sot me një ndjenjë kënaqësie të veçantë të paraqes para jush si kandidat për qytetar të  parë të bashkisë Kurbin, njërin nga qeveritarët vendorë më të sprovuar jo vetëm të Kurbinit, por edhe të Shqipërisë, Behar Haxhiajn. Njeriun që qeverisi si një shërbëtor i bindur, i përkushtuar, i qytetarëve që e votuan atë. Njeriun që vuri të gjithë energjinë e tij për të zgjidhur, problemet, hallet e komunës dhe qytetarëve të saj.

Por Behar Haxhiajn, e kam paraqitur disa herë para qytetarëve, por kësaj here vij më ballëlartë se asnjëherë para jush, sepse ai është kandidati që ju zgjodhët vetë, që ju e votuat në një proces primaresh të aplikuar për herë të parë në këtë formë në Shqipëri dhe ju garantoj unë ju, ky është standardi më i mirë i përcaktimit të qeveritarëve vendorë, të drejtuesve të partisë, të deputetëve. Dhe ka marrë fund me këtë rast koha kur ata vinin kandidatura të kryetarit apo kryesisë së PD-së, në piedestal sot është anëtari dhe anëtarja e PD-së, mbështetësi ynë, me dinjitetin e tyre me vullnetin e tyre politik, do të jetë ligj, njëherë e mirë.

Krahasoni pak kandidatët tanë të lirisë, Beharin, Pashkun, Albertin dhe kudo në Shqipëri, me kandidatët tjerë që kanë dy tipare; së pari ky ti prekësh janë për arrestime dhe burgje se kanë vjedhur ditë e natë. Kjo është e vërteta, e faktojnë vetë zhvillimet.

Së dyti janë që të gjithë klonime të Edi Ramës dhe nuk kanë asnjë lidhje, as me bazën e PS-së dhe as me PS-në. Edi Rama ka përqendruar në dorën e tij të gjitha pushtetet, dhe ka përzënë votën.", u shpreh Berisha./CNA.al





Lajmet e fundit nga