web counter
LEXO PA REKLAMA!

SHKARKO APP

App Store
Google Play

E fundit!

x

"21 Janari"/ Manja: U vranë të pafajshëm, drejtësia vonon por kurrë nuk harron

21 Janar 2024, 10:34, Politikë CNA
"21 Janari"/ Manja: U vranë të pafajshëm,
Ulsi Manja

Ministri i Drejtësisë, Ulsi Manja, gjatë homazheve për "21 Janarin" u shpreh se pushteti i asaj kohe vrau 4 persona të pafajshëm. 

Ai theksoi se edhe pse kanë kaluar shumë vite, drejtësia vonon por kurrë nuk harron. Ai kërkoi që të vihen para drejtësisë autorët e kësaj ngjarjeje. 

"Pushteti vrau pabesisht 4 të pafajshëm. Ne nuk kemi ndaluar së kërkuari drejtësi. Ne si opozitë në atë kohë u premtuam një drejtësi të re dhe të plotë për 21 Janarin. Kontrata e Edi Ramës me shqiptarët në 2013, për një drejtësi të pavarur, e premtuam edhe e bëmë. E bëmë me ndihmën e partnerëve tanë, por e mbështesim pa rezerva këtë drejtësi të re. Sot pas 13 vitesh, drejtësia për 21 Janarin është ende në ajër tregon se brenda sistemit të drejtësisë ka magjistratë të paaftë. Në 21 janar ranë 4 dëshmorë të atdheut. Ka magjistratë që duan t'i vënë kapakun 21 janarit. Paaftësisë së tyre duhet t'i dalë për zot sistemi i drejtësisë. Do të bëhet drejtësi e plotë për këtë krim shtetëror. Magjistratët e rinj nuk duhet të presin që gjërat t'ua thotë Stasburgu", u shpreh Manja. 

Sot shënohet 13 vite nga ngjarja e rëndë, ku katër persona u vranë në bulervardin "Dëshmorët e Kombit" e shumë të tjerë u plagosën.

Më 21 janar të 2011, Aleks Nika, Ziver Veizi, Hekuran Deda dhe Faik Myrtaj mbetën të vrarë gjatë protestës së opozitës.

Më 21 janar, opozita e atëhershme, sot në qeveri, protestoi para Kryeministrisë. Protesta degradoi në dhunë dhe përplasje ndërsa nga brenda Kryeministrisë u hap zjarr duke sjellë edhe bilancin tragjik me katër viktima.

Tubimi ndodhi pas publikimit të një videoje në emisionin "Fiks Fare", ku Ilir Meta, atë kohë zëvendëskryeministër në qeverinë Berisha, shfaqej me një bllok të zi në dorë, duke bërë pazare me ish-ministrin e ndjerë, Dritan Prifti./CNA 





Lajmet e fundit nga