E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Tej e këndej.../Shell çpon Holandën nga Berati!

6 Korrik 2022, 12:15, Opinione Kastriot FRASHËRI

Tej e këndej.../Shell çpon Holandën nga Berati!

Foto ilustruese

Nga haberet që vijnë nga Holanda mësojmë se astrologu dhe lideri ynë global paska thënë se një lajm i mirë po vjen...

Menjëherë pasi ky lajm mori dhenë se çfarë paska bërë vaki në këtë vend dhe dynjaja këtej nga fermat e Albanistanit po priste e ngazëllyer me padurim të mësonte nga kryeministri atë se çfarë gjë e mirë do shfaqej për popullin e zhurritur, ja ku u shfaq në fund të ditës një nga kanarinat e oborrrit të tij, vetë ministresha e punëve botore e cila deklaroj për miletin që po priste me gojë hapur ta dëgjonte nga goja e vetë KM: "Është zbuluar një arterie e rëndësishme nafte dhe gazi, kjo është faza finale!".

Kaq tha dhe iku...

Por ky lajm i papritur duket se e gjeti të papërgatitur këtë popull nën rrumpallën e tij nga kjo mrekulli e shtatë shqiptare e Arit të zi, që tani fati duket se po u buzëqesh, se ja ku erdhi më në fund dita që ata mund të hanë me lugë floriri.

Menjëherë pas publikimit të këtij haberi të madh qeveritar duket se gjysma e Myzeqesë filluan të mallkonin veten që nuk kishin lindur në Berat, por në aksin Patos-Fier që në vend të Arit të zi ishin ngopur me fara të zeza.

Por disa të tjerë duket se nuk e fshihnin dot mosbesimin e tyre pasi kushin frikë se dhe ky burim ku mund të dilte jo vetëm Ar i zi, por dhe Shell, mund të avullonte drej Hollandës pa pritur ndonje konçension 3P që mund t'i rrëmbehej me dinakëri qeverisë nga vetë ministrat hileqarë të saj...

Ndaj populli i Shpiragut pasi u njoh me këtë zbulim mori vendim, ashtu fshatçe:

1- Të krijohet një njësit vullnetar i cili të ruajë fshatin jo vetëm nga mistrecat por edhe nga hajdutët e PPP-ve.

2- Të bëhet një listë emrash Non grata, duke u ndaluar hyrjen që të mos pranohen fare as në Shpirag dhe as në Berat disa prej ministrave kleptomanë të qeverisë të cilët kanë nam të keq.

3- Të ardhurat e siguruara nga shitja me shumicë dhe pakicë e naftës dhe nënprodukteve të saj të shpërndahet dhe të investohet për zhvillimin e komunitetit, ndërsa pjesa tjetër të krijojë një rezervë valuatore dhe të depozitohet në tynelet e Skraparit.