web counter
LEXO PA REKLAMA!

SHKARKO APP

App Store
Google Play

E fundit!

x

Orakulli i pandemisë së COVID-19/ Homazh për të gjithë ata që humbën jetën

22 Shtator 2022, 09:25, Opinione Tritan Kalo
Orakulli i pandemisë së COVID-19/ Homazh për të gjithë
Tritan Kalo

Në Verën e vitit 2020 në oborrin e pasëm të Infektivit, mbinë dhe u rritën drojtazi tre bimë domatesh….Prej njërës nga to unë shkëputa një degëz, të cilën e ruajta në një shishe mbi tavolinën e punës, në zyrën time super-modeste 1.4 x 3 metra, të ndodhur në mesin e “zonës së kuqe” në Pavjonin e 1-rë të Shërbimit të Sëmundjeve Infektive në QSUNT, ose Covid-1 sikundër ai u emrua gjatë kësaj Pandemije….

Domatja “pati durimin dhe guximin” të mbijetojë muajt e KOHËVE KOVIDIANE, për të cilat tash e tutje do të shkruajnë më shumë historia e përpjekjeve të SHOQËRISË NJERËZORE, në përballjen me një Infeksion jetëlëndues e jetëmarrës sikundër ishte infeksioni nga virusi i Sars-Cov2/Covid-19, se sa REALITETI i ditëve që po jetojmë dhe realitetet e atyre ditëve dhe muajve që do të vinë…..

PANDEMIA e Sars-Cov2/Covid-19 e shkrojti kapitujt e librit të saj, duke prekur dhjetra e qindra miliona njerëz në mbarë botën si dhe duke shkëputur njëkohësisht ëndërat jetsore të mbi 6 milion prej tyre….

HOMAZH për të gjithë ata/ato që humbën jetën e tyre në përballjen me këtë armik të rrezikshëm e të padukshëm….

PANDEMIA e Sars-Cov2/Covid-19 vuri qartazi në pah MUNGESAT e thukëshme  të SISTEMEVE TË OFRIMIT TË PËRKUJDESIT SHËNDETSOR në mbarë Botën….

NUKU ka Sisteme të Përkryera e Modelofruese. Çdo vënd kërkohet të ndërtojë e të përditësojë politika në vartësi të mundësive ekonomike dhe orientimeve të zhvillimeve sociale, të cilat të jenë në gjëndje të përballen si e sa duhet si me Emergjencat Mjeksore të kësaj natyre, po ashtu edhe me Emergjencat Mjeksore të natyrave të tjera….

PANDEMIA po ashtu vuri në sprovë SOLIDARITETIN, mes shteteve në nivele të ndryshme të zhvillimit socio-ekonomiko-politik, duke evidentuar qartazi HIPOKRIZINË e mardhënieve të çala mes vëndeve të zhvilluara dhe atyre të pazhvilluara…..

PO E ARDHMJA E AFËRT DHE E LARGËT e Infeksionit nga virusi i Sars-Cov2/Covid-19….GRADUALISHT prej fundvitit 2019 dhe Prandverës së vitit 2022, kjo Pandemi e uli “forcën e saj sëmundjeshkaktuese dhe jetëmarrëse”, dhe ajo “pa dëshirë” po “strehoet” pak nga pak por edhe përfundimisht, në mesin e shoqëzave të saja ish-epidemi/pandemi shkaktuese, duke mbetur edhe në të ardhmen një infeksion i karakterit sporadik, i cili do të qarkulloj në mesin tonë “duke tentuar të ngrejë krye”, sa herë që të gjej një terren imunitar refraktar ndaj tij….

Mes dallgëve të dhimbjeve e të vuajtjeve njerzore, të humbjes së miliona jetëve prej të cilëve edhe të qindra ofruesve të Përkujdesit Shëndetsor, BETEJA ndaj Pandemisë së Sars-Cov2/Covid-19 tashmë është thuajse e fituar, POR JO E PËRFUNDUAR…..IMUNIZIMI i popullatës falë kalimit të formave të dukëshme apo të pa zëshme të infeksionit nga virusi i Sars-Cov2/Covid-19, si dhe vaksinimit të një pjese jo të neglizhueshme të saj, solli këto ditë të situatës epidemiologjike të kësaj Pandemije…..

INFEKSIONET STINORE që fillojnë të gjallërohen me ndryshimet e menjëhershme të temperaturave përgjatë Vjeshtës si edhe Dimrit, do të kenë të pranishme në gjirin e tyre jo vetëm viruset e gripit e viruset e tjerë shkaktarë të këtyre infeksioneve, por edhe virusin e Sars-Cov2/Covid-19, POR FATMIRËSISHT AI NUK DO TË JETË MË VIRUSI DOMINANT i këtyre infeksioneve….

Nga viti i largët 1962 katër koronaviruse të tjerë izolohen përvitazi si shkaktarë të Infeksioneve Stinore…..NISUR nga  arësye të kuptueshme socio-politiko-ekonomike OBSH/ËHO, do të mundet të vijojë të yshtë politikbërësit e botës mbarë për kohështyrjen/kohëzgjatjen e Pandemisë, pas yshtjes paraprake të vetë këtij Organizmi Ndërkombëtar nga prodhuesit e vaksinave, të barnave dhe të pajisjeve mjeksore, si dhe AJO do të vijojë presionet dhe panikndjedhjet mbi komunitetin mjeksor dhe atë qeverisës, të çdo vëndi për rreziqet permanente të Infeksionit nga virusi jetëlëndues dhe jetëmarrës i Sars-Cov-2/Covid-19…..

AJO çka qartazi përvijohet në horizont është fakti se: “Tynelit të gjatë të Pandemisë së Covid-19, po i vjen fundi”….Sistemet Shëndetsore kudo në Botë, por edhe Sistemi Shëndetsor në Shqipëri kanë dhe do të vijojnë të kenë, dhjetra e dhjetra probleme për të zgjidhur në OFRIMIN E PËRKUJDESIT MJEKSOR ndaj të sëmurëve kronikë kardiakë, renalë, diabetikë, pulmonarë, gastro-hepatologjikë, rheumatologjikë, alergjikë, onkologjikë, ndaj Urgjencave të shumta traumatologjike e kirurgjikale, si edhe ndaj të sëmurëve të prekur prej infeksioneve të tjera të natyrës virale-bakteriale-mykotike-parazitare, sepse një pjesë jo e vogël e tyre u nënvlerësuan në këto Kove Kovidiane përballë “Emergjencës mbarëbotërore të Covid-19”…..

NË NDËRKOHË për asnjë dekikë NE nuk duhet të ulim shkallën e përkujdesit ndaj shëndetit tonë si individë, por njëkohësisht edhe për individët e tjerë, të cilët gjallojnë rreth nesh….NE, personeli mjeksor ishim dhe do të jemi aty në vijën e parë të Ofrimit të Përkujdesit Shëndetsor ndaj popullatës, që me Punë, Profesionalizëm e Përkushtim (PPP-ja dobiprurëse në Shëndetësinë Shqiptare), të vijojmë të mbajmë të panjolltë Mantelbardhësinë tonë….Ka patur, ka dhe kurdoherë do të ketë në mesin tonë edhe individë që nuk kanë bërë Betimin e Hipokratit por atë të Hipokritit, numuri i të cilëve të punojmë dhe të shpresojmë që të shohë ulje dhe jo ngritje….Together forever!!!

 





Lajmet e fundit nga