LEXO PA REKLAMA!

SHKARKO APP

App Store
Google Play

Myslim Murrizi: Humbja e bashkisë Kukës dhe problemi real që ka sot opozita reale

26 Shtator 2023, 18:40, Opinione Myslim Murrizi
Myslim Murrizi: Humbja e bashkisë Kukës dhe problemi real që ka
Ish-deputeti Myslim Murrizi

Çdo “justifikim” për çdo humbje dhe për çdo rezultat, bëhet bajat dhe më shumë e dëmton opozitën

Të futesh në garë duke i ditur të gjitha, si blerjen e votës, paratë e pista, presionin e shtetit dhe pushtetit, bandat, të punësuarit, parat e “oligarkëve”, por që këta “ oligarkë” kanë punuar, fituar dhe ndare para pothuajse me çdo qeveri prej 23 vitesh, dhe pastaj te justifikohesh se mi vodhën apo mi blenë, kjo nuk shkon dhe nuk ngjit më tek askush.

Kjo sjellje pas zgjedhjeve zbeh çdo ditë besimin e qytetarëve opozitarë, ndaj opozitës reale.

Kukësi u fut në zgjedhje pas një skandali moral-e korruptiv të ish-kryetarit të bashkisë.

Fitorja me mbi 5500 vota ose 4 herë me shumë se ç’ishte diferenca në 14 maj tregon qartë se opozita ka probleme serioze.

Opozita nuk mund të vazhdojë më të “fshihet” pas partisë së lirisë, kur nga njëra anë pretendon se është e qendrës së djathtë apo “konservatore” (që për mua nuk është kurrë), dhe nga ana tjetër regjistrohet nën sigën e një partie super të majtë.

Opozita duhet të regjistrohet sa më shpejt në gjykatë si subjekt politik me emër, vulë, simbol e logo më vete dhe nuk duhet të rrijë varur nga gjykata që nuk jep kurrë vendim të drejtë sepse është nën presion të atyre që kanë shpallur Berishën “non-grata”.

Opozita nuk duhet të “zvarritet” më duke thënë se vulën, logon, simbolet, komisionet, fondet, etj. na i ka marrë Luli me Fluturën, apo Enkeledi me Eraldën.

Të gjitha çfarë kam përmendur i kanë marrë ata që kanë shpallur Berishën “non-grata” dhe me të njejtin justifikim te OJF, OJQ apo McGonigaleve që janë bërë milionerë në Shqipëri, por që nuk ka asnjë shanc që opozita reale t’i marrë përsëri ato deri në zgjedhjet 2025.

Opozita nuk duhet të bëjë shoë e teatër, duke u hequr se bëhet më e “madhe” apo më e “fortë” me “bashkimin” me Gazin dhe grupin e Gazit, kur në fakt ata pranojnë publikisht që nuk njohin asnjë institucion të Rithemelimit, dhe kur tek qytetaret shihen si njerëz të shplarë që brenda 2 vitesh kanë bërë akrobaci të pështirë politike vetëm për mender karriken e tyre.

Opozita duhet të heqë njëherë e mirë dorë nga futja në garë e individëve “mercenarë” që nuk kanë asnjë lidhje me bashkitë përkatëse, apo kanë 5-10-15-20 apo 40 vjet larguar me banim dhe kthehen për të qenë kryetar bashkie, sepse qytetaret e dinë mirë që ky kthim është më shumë për karrike se sa për hallet e tyre.

Opozita duhet të shohë realitetin në sy dhe të shohë nga vetja se nuk mund t’u shkohet qytetareve me ofertë detyruese o zgjidh ish-hajdutët e mi, o zgjidh hajdutët e Ramës.

Opozita duhet të zbresë në bazë me njerëz që e njohin bazën dhe që nuk kanë ngarkesa negative, që të krijojë realisht 5200 seksione për 5200 qendra votimi që ka Shqiperia se në fakt nuk i ka.

Opozita reale në Parlament duhet të ketë kalë beteje prishjen e pazarit të 21 prillit 2008 dhe kthimin e sovranitetit e barazisë së votës, që qytetarët të zgjedhin deputetët dhe votat e qytetarëve për 1 deputet të jenë të barabarta.

Opozita reale që mori 505 mijë vota më 14 maj duhet të rizgjedhë të gjithë strukturat e saj drejtuese  nga e para, pasi të mbaroj organizimin e 5200 seksioneve minimalja me nga 7 persona për seksion, dhe nuk ka nevojë që të ketë në forumet e saj drejtuese njerëz që zgjidhen me sms ËhatsApp-i, apo klloun të pështirë që anëtare të familjeve të tyre janë shpërndarë nëpër parti të tjera si zogj k….. orbi

Berisha nuk ka pse ngelet “peng” i një grushti njerëzish që e rrethojnë, e mashtrojnë, e mburrin, e lavdërojnë si servilë të pështirë, por që në fakt e dëmtojnë atë dhe opozitën.

Opozita duhet të përpiqet me program të qartë dhe individë me integritet, me moral dhe jo të perceptuar si hajdutë, që të bashkoj sa më shumë qytetarë opozitarë, jo të na e shesë si “sukses” bashkimin e një grushti njerëzish që punojnë si deputet, por që në fakt kurrë nuk e duan, nuk e vlerësojnë, nuk e respektojnë, por e urrejnë njeri-tjetrin.

Opozita duhet ta ndajë mendjen që do vazhdojë të jetë e majtë, e maskuar, e qendrës, e djathtë apo konservatore, sepse e te gjithëve nuk mund te jetë kurrë, dhe nuk mund t’u thuash shqiptareve që jam konservatore kur kam në piramidë apo brenda strukturave drejtuese individë që nuk duan dhe urrejnë familjen.

Opozita duhet të fitojë kohën që ka humbur duke ju lutur njerëzve pa vlerë.

Nëse kalon viti 2023 dhe opozita vazhdon me të njejtin avaz, atëherë në 2025 do të ngelen rreth saj vetëm vemjet dhe servilët që mendojnë për karriken e tyre.

Palca e opozitës me Ramën dhe bijtë apo kopilat e tjerë të blokut, janë antikomunistët dhe jo neokomunistët, apo këlyshet e Sorosit.

Opozita është mision fisnik, por i vështirë që nuk bëhet as me spurdhjakë, as me servilë, as me hajdutë, as me njerëz pa byth që lëvizin si lavjerrës.

Ky është mendimi im që disa herë e kam shprehur në Këshill Kombëtar, por dhe publikisht.

Tani pres të më bëjnë “gjyqin” të gjithë kategoritë e pështira që kam përmendur më sipër, por nuk ma ndjen fort për frymorë.

Lajmet e fundit nga