E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Mashtrimi i PS-së me 22 amendamente-ligji “Mbi barazinë gjinore” duhet hedhur në kosh

18 Tetor 2025, 10:11, Opinione Tritan Shehu

Mashtrimi i PS-së me 22 amendamente-ligji “Mbi barazinë

Rilindja do të maskojë më tej qëllimin e mbrapshtë të projektligjit.

22 amendamentet e PS-së, të detyruara nga reagimi i fortë i opinionit, komunitetet fetare, qytetarët në tërësi, kërkojnë vetëm të fshehin thelbin e ligjit, që ngel:

1- Një atentat ndaj shoqërisë të bazuar mbi ekzistencën e vetëm dy gjinive, mashkull e femër, familjes së shenjtë, fëmijëve e edukimit të tyre, etj.

2- Me gjithë amendamentet ai kërkon t’i hapet rrugë një shoqërie shumë gjinore fluide, në kundërshtim me parimet gjinore mashkull e femër të shoqërisë sonë, duke goditur familjen prej një burri e një gruaje, duke shembur kolonat e shoqërisë e të jetës, rrezikuar fëmijët e të ardhmen tonë.

3-Përsëri ai nuk përmend thelbin gjinor, atë që shoqëria e ligji njeh vetëm dy gjini, mashkull e femër, sipas përcaktimit që në lindje kjo.

Duke lënë kështu një “portë” të hapur drejt njohjes së dhjetëra gjinive, ndryshimit të tyre.

4- Vazhdon të ngatërrojë qëllimshëm gjininë me orietimin seksual, duke u futur kështu në konceptet LGBT, trans, gay etj., që godasin themelet gjinore të shoqërisë.

5-Duke i hapur rrugë termit “gjinia e përkatësia e shumëfishtë”, godet konceptin jetik të shoqërise njerëzore të dy gjinive, mashkull e femër, për të përfshirë identitete të tjera si jogjinor(non binary), transgjinor, gjinor fluid etj, etj.

6-Ky koncept është i rrezikshëm edhe për fëmijët. Ai legalizon politikat “gender” shkatërruese, që kërkohet të futen nga LGBT, trans etj që ne shkolla.

Këto janë kolonat e Jetës, Familjes, Shoqërise që kërkon të godasë tinzarisht ky dokument nën sloganin e barazisë gjinore.

Amendametet e PS synojnë vetëm të mjegullojnë më tej këtë esencë e qëllim.

Ky projekt tinzar i pa korrigjueshëm e i papranueshëm për principet mbi të cilat mbështet Familja, edukimi Fëmijëve, vlerat e ekzistenca konkrete e shoqërisë njerëzore, duhet rrëzuar./ CNA