web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese, pasi shtyu zgjedhjet, duhet edhe të nxjerrë nga burgu Veliajn

11 Tetor 2025, 16:22, Opinione CNA

Gjykata Kushtetuese, pasi shtyu zgjedhjet, duhet edhe të nxjerrë nga
Gjykata Kushtetuese ka vendosur të shqyrtojë padinë e Erion Veliajt më datë 31 Tetor. Një seancë që duhet të kishte përfunduar me mospranimin e ankesës për mungesë të kompetencash, u shndërrua në një seancë ku vetë Gjykata Kushtetuese shkelte Kushtetutën.

Profesor Sadushi, që shkruan në media leksione mbi të drejtën administrative, me atë rast edhe me mik do u kishte vënë notën 4.

Përtej shkeljes flagrante, Gjykata Kushtetuese me vendimin e pezullimit të Dekretit të Presidentit, që shpallte Zgjedhjet në Tiranë në datë 9 Nëntor, 'de facto' ka shtyrë zgjedhjet për Kryetar Bashkie në Tiranë.

Tirana u ridënua nga gjyqtarët kushtetues, që të mos zgjedhë Kryetarin e Bashkisë në 9 Nëntor. Nuk ka një afat se kur do vendosë  Gjykata Kushtetuese të na bëjë me Kryetar të ri, sepse data 31 Tetor është thjesht data kur anëtarët e Gjykatës Kushtetuese do trimërohen që të mblidhen. Por ata kanë më pas deri në 30 ditë kohë të mbledhin veten para se të shpallin vendimin.

Tirana prej 9 muajsh pa kryetar bashkie, është bërë kësaj here edhe viktimë e komplekseve që përjetojnë rregullisht anëtarët ekzistues të Gjykatës Kushtetuese, sa herë u duhet të sillen si gjyqtarë kushtetues.

Askush nuk beson dot se Gjykata Kushtetuese do shfuqizojë vendimin e Këshillit të Ministrave për shkarkimin e Erjon Veliajt!

Erjon Veliaj nuk e ushtron dot detyrën!

Nuk mundet që Gjykata Kushtetuese t'i thotë Tiranës: "Do rrini pa kryetar, se ne jemi të lindur pa kurajo e pa profesion". 

Gjykata Kushtetuese me vendimin e vet të ndërmjetëm, (edhe ai i marrë në kapërcim të kompetencave), arriti me papërgjegjshmëri të shtyjë zgjedhjet në Tiranë.
Dekreti i Presidentit i gjeti të papërgatitur, pasi me stilin e njëriut që ka frikë nga hija e vet, kur morën ankimimin e Veliajt për vendimin e Këshillit të Ministrave, të gjithë u fshehën poshtë tavolinave. Aty do rrinin gjatë por sa keq, që për dekretin e Presidentit duhet të mblidheshin brenda 10 ditëve!

Në vend që të zbatonin ligjin që u thotë: "Nuk është puna juaj të ndërhyni, kur kryetari i bashkisë është i pamundur të shkojë në punë 3 muaj rresht", i kapi paniku.
Kryetari i Bashkisë është NJË I VETËM.

Nuk është rasti i 140 deputetëve kur kërkohet arsye për mungesën. Në rastin e deputetit kur mungon njëri, janë 139 të tjerë në këmbë dhe organi funksionon pa kufizim.
Kur mungon Kryetari i Bashkisë duhen bërë zgjedhje.

Në panik të panikosurit e Gjykates Kushtetuese, nuk lexojnë dot as ankimimin e vetë Veliajt.
Avokatët e Veliajt në ankimimin e tyre për dekretin, e shkruajnë vetë dhe referojnë vetë tek vendimi i Gjykatës Kushtetuese që e përcakton Dekretin për datën e Zgjedhjeve si akt individual. Pra që ankimohet në Gjykatë Administrative.

Por meqë i padituri (në kuptimin "i pashkolluari" kësaj here), nuk i beson dot as vetes, anëtarët e Gjykatës Kushtetuese nuk i besojnë dot as Veliajt.
Dhe pezulluan ekzekutimin e nje akti të cilin nuk kanë kompetencë ta shqyrtojnë. (Profesor Sadushit do i jenë ngritur leshrat përpjetë.)

Gjykata Kushtetuese, pasi shtyu zgjedhjet, duhet edhe të nxjerrë nga

Një gjë nuk ndryshon dot. Zgjedhjet në Tiranë do të bëhen! Paaftësia kriminale e anëtarëve të Gjykatës Kushtetuese thjesht i shtyu ato, por nuk i anulon dot.

Vetëm nëse marrin përsipër që sic bënë me dekretin e Presidentit, të vendosin edhe që Kryetari i Bashkisë duhet të dalë pak nga burgu se ka ca letra për të rregulluar.
Nëse nuk nxjerrin dot Veliaj nga burgu, atëherë të çlirojnë zgjedhjet që i shtynë në mënyrë kriminale, pa asnjë kompetencë ligjore dhe Kushtetuese.





14:18 Opinione Andi Bejtja

SHYQYR QË JEMI NDRYSHE!

Jo pak kolegë gazetarë që kaluan kufirin me Serbinë, përve...

17:26 Opinione Ardi Stefa

Opozita estradë

Që të mos them që opozita nuk ka figura potenciale për kandi...

Lajmet e fundit nga