web counter
LEXO PA REKLAMA!

SHKARKO APP

App Store
Google Play

Koha për akte politike, jo për protesta paqësore

9 Shkurt 2026, 13:47, Opinione Brisida Shehaj

Koha për akte politike, jo për protesta paqësore

Sot është koha për akte politike dhe jo për protesta paqësore.

Prej vitesh shumë individë, politikanë e mbi të gjitha, gazetarë kurajozë kanë demontuar fasadën e kësaj qeverie. Sot të gjithë e kanë të qartë se janë të zhvatur, shpopulluar, dhunuar dhe shoqëria jonë tashmë është e kriminalizuar në palcë.

Ndërkohë prej muajsh dëgjoj opozitën me mandat, se do ta rrëzojnë këtë sistem të kriminalizuar, këtë organizatë kriminale me “Kryengritje paqësore”.

Kësaj i thonë, në rastin më të mirë, NAIVITET.
Opozita nuk ka çfarë i kërkon më këtij POPULLI.

Une, ti, ne të gjithë, kemi ngritur zërin, kemi folur e kemi shkruar aktet tona si në publik ashtu edhe në organet e drejtësisë, e prej akteve tona opozita kishte e ka ende sot provat e këtij korrupsioni.

Në të njëjtën kohë, 10 e 20 herë shqiptarët që u ka ardhur aty ku nuk mban më nga ky regjim e kanë mbushur bulevardin dhe sheshet tej e tej.

Shqiptarët kanë REAGUAR.

SOT i takon opozitës, asaj me mandat, të bëjë akte të drejtpërdrejta POLITIKE.

Duke filluar me ngujimin në Kuvend pikërisht në atë sallën ku sot mbrohet imuniteti i Belinda Ballukut, e ku Rama ka nisur mbretërimin e tij.

Nëse vazhdohet serbes-serbes me pritjen e rrëzimit të Edi Ramës nga Bashkimi Europian, ajo nuk ka për të ndodhur dhe ne nuk do të kemi më as bulevard për të protestuar.

Sot është dita për ta ndarë njëherë e mirë mendjen a do të ketë akte që rrëzojnë përfundimisht Edi Ramën apo do të rrëzohet përfundimisht opozita dhe pluralizmi.





16:50 Opinione Belind Këlliçi

Dy pyetje për Edi Ramën

Edi Rama paska zbuluar sot në kohë rekord në mënyrë të rru...

Lajmet e fundit nga