web counter
LEXO PA REKLAMA!

SHKARKO APP

App Store
Google Play

Vëllai i saj i dha fund jetës/ Këngëtarja Sheila Haxhiraj: E kam brengë, si nuk e shpëtova dot

8 Dhjetor 2025, 11:11, Lifestyle CNA

Vëllai i saj i dha fund jetës/ Këngëtarja Sheila Haxhiraj: E

Këngëtarja Sheila Haxhiraj ka prekur me rrëfimin e saj mbi të vëllain, Henri Haxhirajn, i cili kohë më parë i dha fund jetës.

E ftuar në “S’e luan topi” këngëtarja rrëfyer se në momentin e ngjarjes ka qenë në shtëpi dhe pengu më i madh i saj është se si nuk arriti ta shpëtonte dot të vëllain për të mos e kryer atë akt, duke i dhënë fund jetës së tij.

“Gjithmonë më ka përkrahur, e ka bërë në mënyrën e tij. E kam shumë të vështirë të flas për të se është ende shumë herët që… është larguar. Ai ishte krahu im i djathtë dhe mbeta pa gjysmën time fizikisht, por unë e di që ai është bekimi im, është drita ime, është energjia ime që jam këtu sot, që jam sot me ty dhe po bëj këtë rrëfim.

Ai është forca ime, ndryshe nuk do t’ia kisha dalë të jem kjo që jam sot dhe të vazhdoj të eci përpara. Kemi qenë natyra të ndryshme, unë më ekspresive si natyrë, ndërsa ai më introvert, më i mbyllur në atë botën e vet. Ka qenë më i organizuar, e ka ditur shumë mirë atë që donte. Ndodh që jeta ndonjëherë të çon në disa rrugë që ti gabon dhe janë ca gjëra më të forta se vetja jonë, nuk i kemi në dorë dhe prandaj ai nuk është më këtu me mua, me ne, me familjen tonë.

Nuk e kam kuptuar dhe ajo që na tronditi më shumë ishte kjo ikje e papritur. Gjithmonë njeriu ka pishmane, por në raste të tilla nuk e kthen dot.

Kur Henri erdhi dhe qëlloi veten unë kam qenë në shtëpi dhe nuk kam arritur dot ta shpëtoj. E kam brengë si nuk e shpëtova, si nuk i dhashë më shumë vëmendje”, rrëfeu këngëtarja Sheila Haxhiraj./ CNA





Lajmet e fundit nga