web counter
LEXO PA REKLAMA!

SHKARKO APP

App Store
Google Play

E fundit!

x

Si rrallëherë/ Heidi Baci flet për lidhjen me Romeo Veshajn: Është bërë një premtim që nuk doja të flisja

23 Mars 2026, 20:34, Lifestyle CNA

Si rrallëherë/ Heidi Baci flet për lidhjen me Romeo Veshajn:

Heidi Baci ka folur ditën e sotme si rrallëherë për lidhjen e saj me aktorin e humorit Romeo Veshaj. Kjo lidhje nisi në shtëpinë e Big Brother Vip Albania dhe zgjati edhe tre muaj pas përfundimit të edicionit ku të dy ishin konkurrentë.

Shkak për reagimin e saj është bërë një deklaratë e Veshajt, ku shprehej se ndarja mes tyre kishte ndodhur pa tensione dhe me respekt të ndërsjellë.

“Lidhja ime me Heidin përfundoi me respekt. U njohëm brenda, qëndruam tre muaj jashtë dhe nuk funksionoi. Kishim mendime të ndryshme për jetën. E respektoj”, u shpreh ai.

Por siç duket ky mendim nuk është i njëjtë për të dy palët. Baci është shprehur sot kjo deklaratë e ka lënduar dhe se lidhja e saj më aktorin ka qenë shumë e rëndësishme për të.  

“Kam frikë se heshtja ndonjëherë merret si pohim. Jam mërzitur, jam lënduar, për mënyrën se si është folur për ish-marrëdhënien time. Jam lënduar se si është kaluar ajo marrëdhënie, si është paraqitur në publik. Janë disa gjëra që nuk më pëlqejnë, nuk më pëlqen kur flasin për këndvështrimin tim. Në këndvështrimin tim nuk ka qenë një gjë tre mujorëshe, kështu si u paraqit.

Unë do të flas gjithmonë për veten time, ka pasur përkushtim, sakrificë dhe ndjenja. Për sa i përket pastaj edhe pjesës së dy orëshit, tre orëshit, tre mujorëshit, kjo tallja, unë nuk e di pse dy gazetarë që nuk i njoh, nuk ia njihja ekzistencën, duhet ta shohin një histori me kaq lehtësi, nuk më pëlqeu dhe mu duk fyese. Nuk jam unë ajo vajzë, nuk ka qenë ajo marrëdhënia ime.

Për mua ka qenë shumë e rëndësishme. Nuk do të tallesha me ndjenjat e publikut që më kanë mbështetur, dhe sidomos me të miat. Çdo ka qenë shumë reale, nuk përkufizohet respekti në këto fjalët. Është bërë një premtim që nuk doja të flisja, sepse ka qenë një gjë shumë e rëndësishme për mua”, tha ajo. /CNA





Lajmet e fundit nga