web counter
LEXO PA REKLAMA!

SHKARKO APP

App Store
Google Play

E fundit!

x

Shfaqi hapur dëshirën për pjesëmarrje/ Kejvina Kthella, pjesë e "Big Brother VIP 2"?

2 Dhjetor 2022, 16:30, Lifestyle CNA

Shfaqi hapur dëshirën për pjesëmarrje/ Kejvina Kthella,

"Big Brother VIP 2", pritet që të nisë së shpejti dhe prej kohësh është përfolur se data e nisjes do të jetë 24 dhjetori.

Ka qënë vetë moderatorja e spektaklit, Arbana Osmani, ajo që ka konfirmuar një lajm të tillë, ndërkohë që kanë nisur thashethemet e para për konkurrentët që do të jenë pjesëmarrës.

Deri tani janë përfolur: moderatorja Kiara Titro, influencerja Jori Delli, por së fundmi një tjetër personazh po përflitet se do të jetë pjesë e kësaj aventure 100-ditore.

Ka qenë vetë modelja Kejvina Kthella në fakt, që ka shprehur dëshirën për t’iu bashkuar formatit, pasi do të donte që njerëzit ta njihnin më shumë përpos asaj që kanë parë përmes rrjeteve sociale, apo ekraneve televizive.

 “Mendoj se do të isha një surprizë për publikun, për tipin që kam, pasi publiku nuk më ka njohur shumë. Jam njeri që përshtatem, jam shumë sociale, nuk kam problem të jem me njerëz të rinj apo në ambiente të mbyllura”,- është shprehur Kejvina Kthella për “Goca dhe Gra”.

Krahas kësaj deklarate, ka qenë “VIP Magazine” që ka raportuar se Kejvina do të jetë pjesë e këtij edicioni.

Kujtojmë se pak kohë më parë Arbana Osmani ka shprehur se në këtë sezon, janë përzgjedhur me kujdes personazhet pjesëmarrës, të cilët sipas saj do të jenë më të njohur se ata të edicionit të parë.

 “Do të nisë brenda këtij viti. Është përzgjedhur kasti. Kemi kërkuar personazhe dhe karaktere që njerëzit të afeksionohen pas tyre. Edhe në edicionin e parë, publiku e ndiqte sepse u pëlqenin personazhet, jo skandalet. Ndryshe nga viti i kaluar janë personazhe më të njohur dhe kanë karriera më aktive dhe më të gjata. Ka një konkurrencë shumë më të madhe se kush do të hyjë, nga viti që shkoi. Kemi gati një edicion të ri me një kast të shkëlqyer që mbase do t’i lënë në hije ata të edicionit të kaluar”- tha Arbana Osmani./CNA.al





Lajmet e fundit nga