Hyri kundërvajtje dhe bllokoi trafikun/ Alketa Vejsiu sqaron: Ja si qëndron e vërteta

29 Shtator 2022, 16:29, Lifestyle CNA

Hyri kundërvajtje dhe bllokoi trafikun/ Alketa Vejsiu sqaron: Ja si

Ditën e djeshme qarkulloi një video, ku moderatorja Alketa Vejsiu shfaqej në rrugë me makinën e saj, e ndaluar në një cep të rrugës.

Portali Jeta Osh Qejf e kishte publikuar këtë moment, ku kishte shkruar se moderatorja, ishte parkuar gabim dhe kundravajte, madje kishte bllokuar edhe trafikun. Dhe për t'i vënë kapakun kishte shkruar se Alketa po fliste në telefon, pa harruar pjesën tjetër ku përmend lidhjet e saj dhe të bashkëshortit me politikën.

Hyri kundërvajtje dhe bllokoi trafikun/ Alketa Vejsiu sqaron: Ja si

ARTIKULLI I JOQ

Në Shqipëri për fat të keq zbatimi i ligjit është një ndër problemet më të mëdha që egziston. Sidomos kur ligjin e shpërfillin personazhet publikë, ata që duhet të japin shëmbull para të gjithëve, situata rëndohet akoma më tej.

Por duket se në këtë vend personazhet që e mbajnë veten si të rëndësishëm, shkelin ligjin me të dyja këmbët. Kështu ditën e sotme një qytetar ka denoncuar pranë redaksisë sonë me foto se Alketa Vejsiu është futur kundravajtje, ka bllokuar rrugën për shoferët e tjerë e madje ka përdorur edhe telefonin.

Qytetari shprehet se trafiku ishte shtuar por Vejsiu kishte parkuar mes rrugës kundravajtje duke folur në telefon. Kujtojmë ndërkohë se bashkëshorti i Vejsiut është ndërtues dhe ka marrë një sërë lejesh ndërtimi nga Erion Veliaj për kompaninë e tij ORION SH.P.K. Me sa duket duke patur “shokë” të tillë, Alketa mendon se është mbi ligjin.

Ndërkohë Alketa Vejsiu ka sqaruar sot situatën duke u shprehur se këto janë lajme abuzive dhe me qëllim rritjen e audiencës dhe klikimeve. Ndërkohë që shton se ajo nuk ka lidhje me politikën, e as nuk do të ketë pasi e do profesionin e saj.

“Nuk ka histori aty. Është thjesht një titull abuziv për të shkaktuar polemika dhe për të gjeneruar klikime dhe për ta politizuar Alketën. Nuk kam lidhje me politikën dhe nuk do të ketë asnjëherë. Alketa është artiste në shpirt dhe në profesionin e saj, është dhe sipërmarrëse e thjeshtë. Ka të tjerë që bëjnë gjëra më të mëdha se unë. Jo më larg se dje, kisha dalë nga vendi i parkingut dhe po prisja që të lirohej një vend aty. Nuk isha në lëvizje, në kundravajtje. Isha parkuar në anë të rrugës. Nuk kishte trafik, nuk po lëvizja dhe kisha të drejtë të përdorja telefonin se isha ndaluar. Gjithmonë kur gaboj kërkoj falje por në këtë rast nuk kam”, tha ndër të tjera moderatorja./CNA.al