E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Festivali i 63-të i Këngës për Fëmijë/ Fituese u shpall Kroni Pula me këngën “Fruta perime”

2 Qershor 2025, 14:19, Kulturë CNA

Festivali i 63-të i Këngës për Fëmijë/ Fituese u

Eventi më i rendësishëm për fëmijë mbylli edicionin e tij të 63-të. Në një spektakël muzike që zgjati 3 net radhazi, Shqipëria do të përfaqësohet në Eurovision Junior nga Kroni Pula me këngën “Fruta perime”

“Mendova që nuk do të fitoja, por tani që e bëra këngën ndihem shumë mirë. Këngën ia dedikoj gjyshit tim që ka shkuar në qiell”, ka thënë Kroni Pula.

Surpriza e mbrëmjes ishte padyshim sopranoja Inva Mula. Për të rikthimi në festivalin ku u rrit është nder dhe emocion i veçantë.

“Ndihem e vogël. Më kthehen kujtimet më të bukura të jetës sime. Ky festival më mësoi skenën, emocionin, të konkurroja. Është hera e parë që ftohem të jem në juri të këtij festivali dhe sapo m'u bë ftesa erdha me vrap sepse e dua këtë festival dhe e dua Shkodrën. Gjëja më e bukur është sepse ky festival kishte një konkurrim në nivel të lartë dhe kënga që fitoi u pranua nga të gjithë dhe është këngë për Eurovizion. I uroj vetëm suksese festivalit dhe Shkodrës që tashmë prodhoi këngë për Eurovizion”, tha Inva Mula.

Këngët fëminore morën vëmendjen e muzikantit Robert Radoja.

“Jam i kënaqur që jam sërish në Shkodër. Festivali ishte i bukur, ishte ruajtur cilësia e këngëve”.

Për organizatorët puna për festivalin e fëmijëve ka nisur prej muajsh. Dhe arritja më e madhe është përfaqësimi i Shqipërisë në Eurovizion Junior.

“Është vlerë e shtuar pjesëmarrja e këngës në Junior Eurovision. Është një grup i madh pune, por punën më të madhe e bën kori i qendres së fëmijëve 'Kujtim Alija'. Ishin 2 muaj intensivë dhe kemi pasur mbështetjen edhe të prindërve”, tha drejtoresha e QKF “Kujtim Alija”, Orjeta Kelaj.

“Kjo është sfida më e madhe që nga kjo eksperiencë e madhe këtë herë jemi në Eurovision. Festivali duhet të bëhet institucion. Festivali e ka kaluar tranzicionin një herë në '90 e një herë në 2000 e tashmë festivali duhët të jetë institucion”, deklaroi Manjola Lloja.

Në dy netët e para garuan 29 pjesëmarrës të kategorive “Të vegjlit” dhe “Junior”. Mes të vegjëlve, Çmimi i Parë shkoi për Maria Kalajën dhe këngën “Ja ?farë bëri bubi im”, Çmimi i Dytë për Drini Drishtin me këngën “Dua” dhe Çmimi i Tretë për Aiden Ballën me “Do lejleku akullore”. Nga më të rriturit, fituesja e Çmimit të Dytë ishte Ea Zoga me këngën “Mirësi”, ndërsa Çmimi i Tretë shkoi për Prishila Pukën, “Si një fishekzjarr”./ CNA