web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen 3 apartamente ku ushtrohej prostitucion/ Pranga 3 kolumbianeve dhe një spanjolli

22 Janar 2026, 14:22, Kronika CNA

Zbulohen 3 apartamente ku ushtrohej prostitucion/ Pranga 3 kolumbianeve dhe

Policia e Tiranës ka zbuluar 3 apartamente me qira, ku ushtrohej prostitucioni.

Si rezultat janë vënë në pranga 3 shtetase kolumbiane që ushtronin prostitucionin dhe një shtetas spanjoll që i shfrytëzonte.

Po ashtu janë proceduar edhe dy shtetase shqiptare që ushtronin prostitucionin.

Efektivët sekuestruan një shumë parash të dyshuar të përfituar nga veprimtaria e paligjshme dhe një celular.

 

Njoftimi i policisë

 

Tiranë/Finalizohet operacioni policor i koduar “Netëork”.

Zbulohen 3 apartamente me qira, në të cilat ushtrohej prostitucion, në rrugët “Ibrahim Rugova”, “Hoxha Tahsim” dhe “Myslym Shyri”.

Vihen në pranga 3 shtetaset kolumbiane dhe procedohen penalisht 2 shtetaset shqiptare, që ushtronin prostitucionin.  

Vihet në pranga 1 shtetas spanjoll që shfrytëzonte 3 shtetaset kolumbiane, për këtë veprimtari kriminale.

Sekuestrohet një shumë parash, e dyshuar e përfituar nga prostitucioni, dhe disa celularë.

Si rezultat i punës intensive të kryer nga Seksioni për Hetimin e Trafiqeve, për evidentimin dhe goditjen e rasteve të prostitucionit, bazuar dhe në informacionet e siguruara në rrugë operative, u organizua dhe u finalizua operacioni i koduar “Netëork”, që goditi 3 raste të kësaj veprimtarie kriminale. Në vijim të veprimeve për këto raste u arrestuan:

 

-shtetaset kolumbiane M. L., 21 vjeçe, V. Y., 25 vjeçe dhe L. D., 35 vjeçe, pasi dyshohet se ushtronin prostitucion në një apartament që e kishin marrë me qira, në rrugën “Ibrahim Rugova”;

 

-shtetasi spanjoll J. D., 26 vjeç, pasi dyshohet se shfrytëzonte këto shtetase, për këtë veprimtari kriminale. 

 

Gjithashtu, u referuan materialet në Prokurori ku nisi procedimi penal për shtetaset shtetaset V. O., 34 vjeçe dhe S. Sh., 24 vjeçe, pasi ushtronin prostitucion, në dy apartamente që i kishin marrë me qira, njëri në rrugën “Hoxha Tahsim”, tjetri në rrugën “Myslym Shyri”. 

 

Në drejtimin e Prokurorisë, vijon puna për identifikimin dhe nxjerrjen përpara përgjegjësisë penale, të shtetasve të tjerë që mund të jenë të përfshirë në këto raste.  

 

Materialet procedurale iu referuan Prokurorisë së Tiranës, për veprime të mëtejshme.





Lajmet e fundit nga