web counter
LEXO PA REKLAMA!

SHKARKO APP

App Store
Google Play

E fundit!

x

Tentoi të korruptonte efektivët për të shmangur testin e alkoolit/ Arrestohet 43-vjeçari

22 Janar 2026, 08:50, Kronika CNA

Tentoi të korruptonte efektivët për të shmangur testin e

Policia e Durrësit ka goditur një rast të tentativës për të korruptuar efektivët.

Si rezultat është vënë në pranga 43-vjeçari Xh. S., i cili drejtonte automjetin në gjendje të dehur dhe u ofroi para punonjësve për të shmangur testin e alkoolit.

Nga kryerja e testit të alkoolit, rezultoi se 43-vjeçari drejtonte automjetin në gjendje të dehur në masën 0.92 mg/l.

I arrestuari akuzohet për drejtim automjeti në gjendje të parregullt dhe korrupsion.

 

 

Njoftimi i policisë

 

Policia Rrugore e Durrësit godet një tjetër rast të tentativës për të korruptuar punonjësit e Policisë Rrugore.

Drejtonte automjetin në gjendje të dehur dhe për të shmangur testin e alkoolit, u ofroi para punonjësve të Policisë, vihet në pranga 43-vjeçari.

Shërbimet e Sektorit të Policisë Rrugore në DVP Durrës, gjatë monitorimeve të qarkullimit për identifikimin dhe ndëshkimin e shkelësve të Kodit Rrugor, në rrugën “Vllazërimi”, kanë ndaluar automjetin me drejtues shtetasin Xh. S.

Drejtuesi i automjetit, në momentin e ndalimit, ka tentuar të korruptojë punonjësit e Policisë, duke u ofruar para, me qëllim shmangien e testit të alkoolit.

Nga kryerja e testit të alkoolit rezultoi se ky shtetas drejtonte automjetin në gjendje të dehur, në masën 0.92 mg/l.

Në përfundim të veprimeve të kryera, u bë arrestimi në flagrancë i shtetasit Xh. S., 43 vjeç, banues në Durrës, për veprat penale “Korrupsioni aktiv i personave që ushtrojnë funksione publike” dhe “Drejtimi i automjetit në mënyrë të parregullt”.

Materialet hetimore iu referuan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.





Lajmet e fundit nga