web counter
LEXO PA REKLAMA!

SHKARKO APP

App Store
Google Play

E fundit!

x

Aksion/ Goditet grupi kriminal që shiste armë

21 Janar 2026, 11:37, Kronika CNA

Aksion/ Goditet grupi kriminal që shiste armë

Policia ka finalizuar operacionin e koduar "Anëtarët" duke goditur një grup kriminal që shiste armë zjarri. Si pasojë janë vënë në pranga 3 anëtarë të këtij grupi, të tre me precedentë të mëparshëm penal.

Po ashtu është shpallur në kërkim një shtetas, i cili dyshohet se ishte pjesë e këtij grupi kriminal. Gjatë operacionit janë sekuestruar 5 armë zjarri, që dyshohet se do të shiteshin në Tufinë dhe në Fresk.

Hetimet për këtë grup zgjatën 3 muaj.

“Si rezultat i hetimeve të kryera me metoda proaktive, gjatë 3 muajve, nga specialistët për Hetimin e Krimeve të Komisariatit të Policisë Nr. 4, në drejtimin e Prokurorisë së Tiranës, është organizuar në bashkëpunim me Forcën e Posaçme Operacionale të DVP Tiranë dhe është finalizuar operacioni i koduar “Anëtarët”.  

Në kuadër të këtij operacioni u vunë në pranga shtetasit:

-I. Z., 55 vjeç, banues në Tiranë, i dënuar më parë për vrasje; 

-A. B., 63 vjeç, banues në Tiranë, i dënuar më parë për prodhim dhe shitje të narkotikëve dhe   për mashtrim;

A. R., 46 vjeç, banues në Tiranë, i dënuar më parë për plagosje të rëndë me dashje.

Gjithashtu, u shpall në kërkim shtetasi E. S., 28 vjeç. 

Gjatë operacionit, shërbimet e Policisë kanë kapur në flagrancë, në Tufinë, shtetasit A. B dhe I. Z., në tentativë për të shitur 2 armë zjarri kallashnikov.  

Nga hetimet dyshohet se këta shtetas ishin pjesëtarë të një grupi që shiste armë zjarri në zona të ndryshme të Tiranës, kryesisht në Tufinë dhe në Fresk.   

Vijojnë hetimet, në drejtimin e Prokurorisë, për dokumentimin e plotë të veprimtarisë kriminale të këtyre shtetasve, identifikimin dhe kapjen e shtetasve të tjerë të përfshirë në grup”, njofton policia./ CNA





Lajmet e fundit nga