Vodhën naftën e anijes së sekuestruar/ Shpallen në kërkim dy të rinjtë, arrestohet efektivi

9 Shkurt 2025, 14:03, Kronika CNA

Vodhën naftën e anijes së sekuestruar/ Shpallen në

Agjencia e Mbikëqyrjes Policore ka finalizuar operacionin “TURNI”, në saj të të cili u bë i mundur arrestimi në flagrancë i punonjësit të policisë së Patrullës së Përgjithshme në Komisariatin e Policisë Durrës, Inspektor A. M., 21 vjeç.

Ai është i dyshuar për "Shpërdorim detyre" dhe “Korrupsioni pasiv i personave që ushtrojnë funksione publike”.

Gjithashtu u shpallën në kërkim shtetasit J. K., 31 vjeç dhe D. M. 34 vjeç, të dyshuar për “Kontrabanda me mallra që paguhet akcizë me pezullim të plotë ose të pjesshëm nga detyrimet doganore”, “Vjedhje e kryer në bashkëpunim”, dhe “Korrupsioni aktiv i personave që ushtrojnë funksione publike”.

Dyshohet se këta persona në bashkëpunim me njëri-tjetrin, më datë 27 janar, rreth orës 15:00, kanë bërë nxjerrjen e një sasie të konsiderueshme nafte nga Anija “AYAZANOYBYA” me flamur të Tanzanisë, që ishte ankoruar dhe sekuestruar në Porto Romano, e cila ka qënë sekuestruar në cilësinë e provës materiale nga Prokuroria Durrës.

Sipas AMP-së, nga hetimet ka rezultuar se punonjësi i policisë A. M., ka lejuar kundrejt pagesës prej 10,000 euro, të dhënë nga shtetasi J. K., nxjerrjen e sasisë së naftës të ndodhur në anije, në bashkëpunim me pjesëtarë të ekuipazhit.

Gjithashtu, në bashkëpunim janë kryer të gjitha veprimet proceduriale, duke përfshirë ri-këqyrjen e anijes, këqyrjen e pamjeve filmike në Porto Romano Durrës, marrje deklarimesh dhe marrjen e mostrave për ekspertim në të gjithë zonat e balastarve dhe ka rezultuar se sasia e naftës që ndodhej në këto hapësira në momentin e sekuestrimit (datë 12.01.2025) ishte zëvendësuar me ujë.

Në vijim të veprimeve, janë proceduar në gjendje të lirë 7 shtetas, të dyshuar për “Kontrabanda me mallra që paguhet akcizë me pezullim të plotë ose të pjesshëm nga detyrimet doganore”, “Vjedhje e kryer në bashkëpunim”, si më poshtë;

1. L. K., 29 vjeç;

2. ? F. I., 23 vjeç (shtetas sirian);

3. ?A. Sh., 22 vjeç (shtetas sirian);

4. ? S. Sh., 25 vjeç (shtetas sirian);

5. ? H. B., 47 vjeç (shtetas sirian);

6. ?S. B., 53 vjeç (shtetas egjyptian);

7. ?Ë. B., 42 vjeç (shtetas sirian).

Materialet proceduriale do referohen në Prokurorinë e Posaçme Kundër Korrupsionit dhe Krimit të Organizuar (SPAK) për hetime të mëtejshme./ CNA