web counter
LEXO PA REKLAMA!

SHKARKO APP

App Store
Google Play

Përplasi një këmbësor dhe u largua/ Policia arreston shoferin dhe pasagjerin

7 Shkurt 2025, 10:14, Kronika CNA

Përplasi një këmbësor dhe u largua/ Policia arreston

Pasditen e djeshme në Elbasan, një shtetas 44-vjeçar që drejtonte makinën në gjendje të dehur, përplasi një këmbësor dhe një makinë bujqësore, por u largua nga vendi i ngjarjes.

Policia bëri të mundur identifikimin dhe kapjen e autorit, ndërsa në pranga përfundoi edhe një 55-vjeçar që në momentin e aksidentit ishte pasagjer dhe që nuk kallëzoi këtë rast pranë autoriteteve përkatëse.

Njoftimi i Policisë:

Pasditen e djeshme, me automjetin që drejtonte i dehur, përplasi 1 këmbësor dhe 1 mjet bujqësor të parkuar, dhe u largua nga vendngjarja, identifikohet dhe kapet 44-vjeçari.

Në pranga dhe një 55-vjeçar që ishte pasagjer në automjet, në momentin e aksidentit, dhe nuk e kallëzoi rastin.

Gjendet dhe sekuestrohet automjeti i 44-vjeçarit, i përfshirë në aksident.

Si rezultat i hetimeve dhe veprimeve policore, të kryera menjëherë pas aksidentit rrugor të ndodhur pasditën e djeshme, në fshatin Tregan, specialistët e qarkullimit rrugor identifikuan, lokalizuan dhe arrestuan drejtuesin e automjetit që shkaktoi aksidentin, shtetasin F. P., 44 vjeç.

Nga veprimet e deritanishme dyshohet se me automjetin që drejtonte në gjendje të dehur, 44-vjeçari ka përplasur këmbësorin, shtetasin F. K., 56 vjeç, dhe 1 mjet bujqësor të parkuar, dhe më pas është larguar nga vendi i aksidentit. 56-vjeçari aktualisht është në kujdesin e mjekëve, në Spitalin e Traumës.

Në vijim të këtyre veprimeve, u vu në pranga, për moskallëzim të krimit, shtetasi A. B., 55 vjeç, pasagjer në automjetin e 44-vjeçarit, në momentin e aksidentit.

Materialet procedurale iu referuan Prokurorisë së Elbasanit, për veprime të mëtejshme. /CNA





Lajmet e fundit nga