web counter
LEXO PA REKLAMA!

SHKARKO APP

App Store
Google Play

Pjesë e bandës së Niklës/ Arrestohet Edison Pula

5 Shkurt 2025, 11:51, Kronika CNA

Pjesë e bandës së Niklës/ Arrestohet Edison Pula

Policia e Shtetit ka finalizuar një operacion policor për kapjen e dy shtetasve të kërkuar ndërkombëtarisht.

Nga operacioni “Together” u vunë në pranga 1 shtetas i dënuar me 14 vjet burgim, për disa vepra penale të rënda dhe 1 shtetas i akuzuar nga autoritetet franceze.

Një nga të arrestuarit, shtetasi Edison Pula, 30 vjeç, i lindur në Krujë, ishte dënuar më parë me 14 vjet burgim për disa vepra penale.

Gjithashtu, u vu në pranga shtetasi A. S., 31 vjeç, i kërkuar nga autoritetet franceze.

Edhe ky operacion u zhvillua në koordinim me partnerët e bashkëpunëtorët e policisë.

Sipas Policisë:

“Si rezultat i sigurimit të informacioneve nga Drejtoria e Forcës së Posaçme Operacionale (FAST Albania), mbi vendndodhjen e një shtetasi të dënuar në Shqipëri, për disa vepra penale të rënda, si dhe i shkëmbimit të këtyre informacioneve me homologët e FAST Luksemburgut, nëpërmjet koordinimit të rrjetit ENFAST, u organizua dhe u finalizua operacioni policor i koduar “Together”.

Si rezultat i këtij operacioni, u lokalizua dhe u vu në pranga shtetasi Edison Pula, 30 vjeç, i lindur në Krujë, i dënuar me 14 vjet burgim, për veprat penale “Vrasja me paramendim”, “Shkatërrimi i pronës me eksploziv”, “Vjedhja me dhunë”, “Mbajtja pa leje dhe prodhimi i armëve, armëve shpërthyese dhe i municionit”, “Vjedhja” dhe “Largimi i të burgosurit nga vendi i qendrimit”.

Më tej, gjatë këtij operacioni, në bazë të një urdhër arresti europian, të lëshuar nga autoritetet franceze, u vu në pranga shtetasi A. S., 31 vjeç.

Zyrat homologe të Interpolit po vijojnë bashkëpunimin, për finalizimin e procedurave të ekstradimit të këtyre shtetasve”, - thuhet në njoftim./ CNA 





Lajmet e fundit nga