web counter
LEXO PA REKLAMA!

SHKARKO APP

App Store
Google Play

E fundit!

x

Qarkullonin me pistoletë me silenciator në automjet/ Ndalohen dy të rinj në Tiranë

3 Shkurt 2025, 10:07, Kronika CNA

Qarkullonin me pistoletë me silenciator në automjet/ Ndalohen dy

Komisariati i Policisë Nr. 7 në Tiranë ka finalizuar sot një operacion policor me qëllim evidentimin dhe goditjen e rasteve të armëmbajtjes pa leje.

Operacioni i koduar “Weekend” ka kapur në flagrancë dhe vënë në pranga dy shtetas: S. K., 25 vjeç dhe O. M., 21 vjeç, të dy banues në Laknas, me precedent penal për armëmbajtje pa leje.

Ata lëviznin me armë zjarri pistoletë me silenciator në automjet.

U sekuestruan arma e zjarrit pistoletë me silenciator, municion luftarak, automjeti dhe 3 celularë.

Materialet procedurale i kaluan Prokurorisë për veprime të mëtejshme.

Sipas Policisë:

“Shërbimet e Komisariatit të Policisë Nr. 7, në vijim të punës për evidentimin dhe goditjen e rasteve të armëmbajtjes pa leje, bazuar dhe në informacionet e siguruara përmes inteligjencës informative, për dy shtetas që qarkullonin me armë zjarri në automjet, në zonën e Vorës, kanë organizuar dhe finalizuar operacionin policor të koduar “Weekend”.

Gjatë operacionit, në Laknas, shërbimet e Policisë kanë lokalizuar dhe ndaluar automjetin me drejtues shtetasin S. K. dhe pasagjer shtetasin O. M. Gjatë kontrollit në këtë automjet, shërbimet e Policisë gjetën 1 armë zjarri pistoletë me silenciator dhe me 1 krehër me municion luftarak, të cilat u sekuestruan në cilësinë e provës materiale, bashkë me automjetin.

Në përfundim të veprimeve u arrestuan në flagrancë shtetasit:

S. K., 25 vjeç, banues në Laknas, për veprën penale "Prodhimi dhe mbajtja pa leje e armëve, armëve shpërthyese dhe municionit luftarak", i dënuar më parë për të njëjtën vepër penale;

O. M., 21 vjeç, banues në Laknas, për veprën penale “Moskallëzimi i krimit”, - thuhet në njoftim./CNA 





Lajmet e fundit nga