web counter
LEXO PA REKLAMA!

SHKARKO APP

App Store
Google Play

Vodhën 9 biçikleta dhe motomjete elektrike për dy muaj/ Arrestohen dy të rinjtë në Tiranë

25 Tetor 2025, 14:26, Kronika CNA
Vodhën 9 biçikleta dhe motomjete elektrike për dy muaj/
Pamje nga operacioni "Mjetet"

Dy të rinj janë arrestuar në Tiranë pasi kanë vjedhur 9 biçikleta dhe motomjete elektrike gjatë muajve shtator-tetor. Në pranga është vënë shtetasi R. M., 18 vjeç, dhe një i mitur 16 vjeç, të cilët ishin dënuar edhe më parë për vjedhje.

Arrestimet e tyre kanë ardhur pas kallëzimeve të bëra nga disa qytetarë, për vjedhjen e biçikletave dhe monopatinave të tyre në lagje të ndryshme. Bëhet me dije se vijojnë hetimet për zbardhjen e rasteve të tjera të vjedhjeve që mund të jenë kryer nga këta shtetas.

Njoftimi i policisë: 

Tiranë/Finalizohet operacioni policor i koduar “Mjetet”

Vodhën 9 biçikleta dhe motomjete elektrike, gjatë muajve shtator-tetor, identifikohen dhe vihen në pranga 2 shtetas, të dënuar më parë për vjedhje.

Specialistët për Hetimin e Krimeve të Komisariatit të Policisë Nr. 2, pas kallëzimeve të bëra nga disa qytetarë, për vjedhjen e biçikletave dhe monopatinave të tyre në lagje të ndryshme, organizuan dhe finalizuan operacionin policor të koduar “Mjetet”.

Si rezultat i veprimeve të shpejta hetimore, bazuar edhe në pamjet filmike, u bë e mundur zbardhja e 9 rasteve të vjedhjeve të biçikletave dhe motomjeteve elektrike, të kryera gjatë muajve shtator dhe tetor, nga shtetasi R. M., 18 vjeç, dhe një i mitur 16 vjeç, të cilët në përfundim të veprimeve procedurale u arrestuan për veprën penale “Vjedhja”, e kryer në bashkëpunim.

Vijojnë hetimet për zbardhjen e rasteve të tjera të vjedhjeve që mund të jenë kryer nga këta shtetas.

Materialet procedurale i janë referuar Prokurorisë pranë Gjykatës së Shkallës së Parë Tiranë, për veprime të mëtejshme. /CNA





Lajmet e fundit nga