web counter
LEXO PA REKLAMA!

SHKARKO APP

App Store
Google Play

Sjellje joetike ndaj qytetarëve/ Arrestohet inspektori, procedohet oficeri i patrullës

25 Tetor 2025, 09:31, Kronika CNA

Sjellje joetike ndaj qytetarëve/ Arrestohet inspektori, procedohet oficeri

Agjencia e Mbikëqyrjes Policore ka arrestuar në flagrancë një inspektor të Patrullës së Përgjithshme në Komisariatin e Vlorës pasi pas verifikimit të testit të alkoolit rezultoi i dehur.

Gjithashtu ka nisur hetimi disiplinor ndaj E. A., me detyrë Oficer i Patrullës së Përgjithshme në Komisariatin e Policisë Vlorë.

Hetimet nisën pas denoncimit të një qytetari se dy efektivë policie e kanë ndaluar dhe kanë pasur sjellje joetike.

 

Njoftimi i AMP

 

Agjencia e Mbikëqyrjes Policore (Rajoni Vlorë - Gjirokastër) ka arrestuar në flagrancë punonjësin e policisë Inspektor H. I., me detyrë Oficer i Patrullës së Përgjithshmë në Komisariatin e Policisë Vlorë, i dyshuar për kryerjen e veprës penale “Drejtim i automjetit në mënyrë të parregullt” parashikuar në nenin 291 të Kodit Penal.

Arrestimi i tij u krye pas telefonatës së një shtetasi në sallën operative mbrëmjen e djeshme, i cili pretendon se dy punonjës policie e kanë ndaluar në zonën e Ujit të Ftohtë, duke u prezantuar me një sjellje jo etike.

Pas verifikimit me testin matës së alkoolit, punonjësi H. I., ka rezultuar pozitiv në masën 0.82 mg/l.

Ndaj punonjësit të policisë E. A., me detyrë Oficer i Patrullës së Përgjithshme në Komisariatin e Policisë Vlorë, do të vijojë procesi i hetimit disiplinor./CNA





Lajmet e fundit nga