web counter
LEXO PA REKLAMA!

SHKARKO APP

App Store
Google Play

Imrain Hoseini u ndalua në Rinas/ Gazetarja Klodiana Lala zbardh detajin: Sapo zbriti, rezultoi me kartelë të kuqe

23 Tetor 2025, 22:04, Kronika CNA

Imrain Hoseini u ndalua në Rinas/ Gazetarja Klodiana Lala zbardh detajin:

Gazetarja Klodiana Lala ka zbardhur detaje në lidhje me ndalimin e një predikuesi fetar i quajtur Imrain Hoseini.

E ftuar në emisionin e Ylli Rakipit në MCN TV, gazetarja tha se sapo ka zbritur në tokën shqiptare ka rezultuar në sistem me kartelë të kuqe pasi klasifikohet në ato vepra, nxitja e urrejtjes e me rradhë, që kanë të bëjnë me terrorizmin.

"Në momentin që ka zbritur në tokën shqiptare, ka rezultuar në sistem që ka kartelë të kuqe dhe është i padëshiruar, pasi klasifikohet në ato vepra, nxitja e urrejtjes e me rradhë, që kanë të bëjnë me terrorizmin. Në këtë aspekt, procedura parashikon, që personi që nuk është i dëshiruar, qëndron në zonën neutrale, tranzit.

Linja ajrore, është e detyruar që ta kthejë mbrapsht në momentin më të parë, pra në Beograd. Shteti shqiptar nuk e ka të dëshiruar të hyjë, i kërkon kompanisë ta kthejë mbrapsht. Zotëria është i moshuar dhe po presin që me fluturimin e parë ta kthejnë. Në momentin që flasim është aty.

Se çfarë përmban dosja, këtë nuk jam në gjendje ta them, por dyshohet për vepra që kanë lidhje me terrorizmit. Pastaj janë çështje të anti-terrorit", deklaroi Lala./ CNA





Lajmet e fundit nga