web counter
LEXO PA REKLAMA!

SHKARKO APP

App Store
Google Play

“Vajzën ma morën me zor”/ Nëna e 12-vjeçares që u gjet e pajetë: Më tha se e rrihte babi

7 Shtator 2023, 17:05, Kronika CNA

“Vajzën ma morën me zor”/ Nëna e 12-vjeçares

Një 12-vjeçare nga një fshat i Pogradecit, u gjet e mbytur në një kasolle rreth dy javë më parë.

Teksa po vijojnë hetimet, për këtë ngjarje të rëndë ka folur nëna e të miturës, e cila jeton në Greqi dhe është divorcuar nga babai i vajzës së saj.

Ajo ka treguar se vajzën e ka takuar pas 6 vitesh dhe nuk ka pasur asnjëherë komunikim.

“Vajzën e takova afër shtëpisë së ish-burrit! E kam me fotografi kur u takuam, që kam bërë një fotografi se nuk ma kanë lënë gocën aty me zor ma kanë marrë.

E takova pas 6 vitesh Sepse isha në Greqi dhe isha pa letra, nuk kaloja dot!

Me vajzën nuk kam patur asnjëherë komunikim, me të atin e vajzës i kisha shkruajtur në messenger, i thashë vetëm ma nxirr t’i flas më ka thënë jo se kam hall se ma mërzit dhe më prish familjen që kam!”, është shprehur ajo.

Nëna e viktimës ka treguar se ish-bashëshorti nuk e lejonte vajzën të fliste me të dhe e mitura i kishte pohuar se e dhunonte nëse mbante kontakt me të.

“Unë pak a shumë e di jetesën se si ishte atje edhe vuajtjet e mia dhe e di edhe prezencën e vajzës se si do ishte domethënë shumë e frikësuar, shumë e ndrojtur, sepse nuk më ka folur asnjë fjalë përveçse kur e kam pyetur për telefonin që t’i blej mami një telefon të kemi kontakte deri sa të vij të marr! Jo se më rreh babi, vetëm kaq ka nxjerr nga goja! Do ishte kënaqësi të kishte folur akoma më shumë por ja që nuk u bë.
I kam thënë mami do vij prapë në shtator dhe do vij të takoj, nuk më ka kthyer asnjë përgjigje!” ka deklaruar ajo.

Mamaja e 12-vjeçares ka theksuar se momentin kur ka takuar vajzën, ish-vjehrri e ka marrë vajzën me dhunë dhe e ka paralajmëruar se nuk do ta takojë më.

“Jo vetëm këtë që bëri i ati i ish bashkëshortit që tha që edhe njëherë kur të vdes unë do ta takosh! Mori vajzën dhe iku!”, ka nënvizuar ajo./ CNA





Lajmet e fundit nga