web counter
LEXO PA REKLAMA!

SHKARKO APP

App Store
Google Play

E fundit!

x

U qëllua me një plumb në qafë dhe dy në gjoks/ Kush është viktima që u ekzekutua në burgun e Peqinit

15 Dhjetor 2023, 15:47, Kronika CNA

U qëllua me një plumb në qafë dhe dy në gjoks/ Kush

Sokol Mjacaj, i dënuar me burgim të përjetshëm, ka qëlluar tri herë me plumba viktimën Arben Lleshi.

Sipas burimeve, Arben Lleshi është qëlluar me një plumb në qafë dhe 2 të tjerë në gjoks.

Lleshi ka ndërruar jetë rrugës për në spital, ndërsa i plagosur ka mbetur Indrit Shaqja.

Po kush është Arben Lleshi, që u ekzekutua në burgun e Peqinit?

Arben Lleshi u ekstradua nga Britania e Madhe në maj të vitit 2016, pasi rezulton i dënuar me 32 vite burg. Ai është i dënuar me 32 vjet burg për vrasje, nga një gjykatë në Britani. Ai është autori i vrasjes së Agim Hoxhës, në 10 prill 2012.

Mediat britanike shkruanin atëherë se Hoxha u vra në një apartament në qytetin anglez të Southempton, dhe më pas, trupi i tij u dogj në një makinë tip “Mercedes Benz”. Për këtë ngjarje është dënuar me burg edhe vëllai i Lleshit, 39-vjeçari Afrim Lleshi, i cili ka pranuar para gjykatës se ka bashkëpunuar në shfarosjen e trupit të viktimës.

Shkaku i vërtetë i vrasjes nuk është asnjëherë i ditur nga vëllezërit. Në procesin gjyqësor të zhvilluar tri vite më parë, u dëgjua se si autori i vrasjes, i cili mohoi akuzën, kishte shkuar ditën e krimit për të blerë një levë dhe tela, si dhe materiale të tjera që ai i ka përdorur për vrasjen dhe djegien e trupit të viktimës në një makinë "Mercedes".

Pas vendimit, familja e Hoxhës, tha në një deklaratë se, “ajo që kërkonim ishte drejtësi për Agimin dhe drejtësia sot u dha. Tani shpirti i Agimit mund të prehet në paqe”. Sipas raportimeve të mediave britanike, dy vëllezërit Leshi merreshin me drogë, veprimtari të cilën e kishin filluar që kur ishin adoleshentë./ CNA





Lajmet e fundit nga