web counter
LEXO PA REKLAMA!

SHKARKO APP

App Store
Google Play

Shi dhe borë në Kukës/ Rrëshqitje gurësh dhe bllokim tumbinash në akset nacionale

14 Dhjetor 2023, 22:35, Kronika CNA
Shi dhe borë në Kukës/ Rrëshqitje gurësh dhe bllokim
Foto ilustruese

Qarku i Kukësit këtë mbrëmje është përfshirë nga reshje të dendura shiu në zonat e ulëta dhe borë në zonat mbi 800 metra mbi nivelin e detit.

Reshjet po shoqërohen me erëra të forta, të cilat në orët në vijim mund të sjellin edhe problematika në furnizimin me energji elektrike në zonat malore.

Si pasojë e rreshjeve ka rënie gurësh dhe bllokim tumbinash në akset nacionale, ndërsa në akset turistike Kukës-Shishtavec dhe Bajarm Curri-Valbonë ka reshje bore.

Kompanitë kontraktore po punojnë për mbajtjen fuksionale të këtyre dy akseve nacionale dhe rrugëve të tjera.

Në Rrugën e Kombit nga Morina deri tek Tuneli i Kalimashit lëvizja e mjeteve bëhet pa probleme dhe lëvizja bëhet me praninë e rënies së reshjeve të shiut ndaj duhet kujdes nga përdoruesit e rrugës.

Në një njoftim të fundit kompania e mirëmbajtjes se Rrugës së Kombit iu bën thirrje drejtuesve të mjeteve që gjatë udhëtimit të kenë më vete paijsjet dhe gomat pasi nesër pritet që Rruga e Kombit të përfshihet nga reshjet e borës.

Kompania njoftoi se janë marrë të gjitha masat për kriposje, patrullim, mjete borëpastruese dhe për largimin e gurëve e inerteve në segmentet ku mund të ketë rënie të tyre në oret në vijim./ CNA





Lajmet e fundit nga