web counter
LEXO PA REKLAMA!

SHKARKO APP

App Store
Google Play

SPAK i dorëzon dosjen Ministrisë së Drejtësisë për të kërkuar ekstradimin e baronit të drogës

13 Dhjetor 2023, 12:58, Kronika CNA

SPAK i dorëzon dosjen Ministrisë së Drejtësisë për

Struktura e Posaçme Kundër Korrupsionit dhe Krimit të Organizuar të martën i ka dërguar Ministrisë së Drejtësisë kërkesën në lidhje me ekstradimin e Gëzim Çelës, i arrestuar pasditen e së premtes në Kosovë.

Tashmë pritet që Ministria e Drejtësisë të përpunojë dosjen dhe ta përcjellë në Ministrinë e Drejtësisë në Kosovë. Vendimi përfundimtar i përket gjykatës. 

Kush është Gëzim Çela? 

Gëzim Çela, ish-oficeri i Forcave Speciale, u arrestua nga policia në Kosovë. Çela ishte një nga personat më të kërkuar nga autoritetet për përfshirjen e tij në trafikimin e drogës. Ai njihet ndryshe si baroni i drogës. Çela ka qenë në radhët e policisë në para vitit 1997.

Emri i tij ka nisur të regjistrohet në skedat e Policisë që kur ishte 22 vjeç dhe u dënua për herë të parë nga Gjykata e Triestes në Itali për shfrytëzim prostitucioni.

Ai është akuzuar dhe dënuar disa herë në mungesë, në Itali dhe në Shqipëri. Autoritetet e kanë vënë në pranga disa herë dhe në të gjitha rastet është liruar.

Çela u lirua nga gjykata shqiptare me argumentin se ai vuante nga një sëmundje e rëndë. Më pas, ai u arrestua se kishte falsifikuar kartelën mjekësore dhe u la në “arrest shtëpie”./CNA

 

 





Lajmet e fundit nga