web counter
LEXO PA REKLAMA!

SHKARKO APP

App Store
Google Play

Humbi gjurmët gjatë pushimeve në Spanjë/ Gjendet pas 6 vitesh në Francë adoleshenti britanik

14 Dhjetor 2023, 18:23, Kronika CNA

Humbi gjurmët gjatë pushimeve në Spanjë/ Gjendet pas 6

Mëngjesin e së mërkurës është gjetur një djalë i mitur, i cili ishte zhdukur 6 vite më parë në Spanjë.

17-vjeçar britanik nga Oldham, Alex Batty u zhduk në Spanjë në vitin 2017, teksa kishte shkuar me pushime me nënën dhe gjyshin e tij.

Këta të fundit nuk kishin të drejtë kujdestarie mbi të miturin, por më 30 shtator të 2017-ës ata ishin larguar me Alexin nga Greater Manchester i Britanisë së Madhe drejt Spanjës.

Vetëm pak ditë më pas u zhdukën totalisht gjurmët e djalit. Ai u pa për herë të fundit në Portin e Malagës më 8 tetor, ditën kur pritej të ktheheshin në Britani.

6 vite më pas, Alex Batty është gjetur në qytetin Revel të Francës. Zyra e prokurorit në Toulouse i tha “BBC”-së se familja kishte konfirmuar identitetin e djalit, tashmë adoleshent.

Alex po mbahet në kujdes nga shërbimet sociale, në pritje të mbërritjes së policisë britanike dhe stafit konsullor që do të kthejnë atë në Angli.

Djali ka deklaruar se kishte qenë në Francë për dy vjet. Ai ishte në gjendje të mirë shëndetësore dhe nuk ka raportuar për keqtrajtim.

Gjyshja e tij, Susan Caruana, e cila është edhe kujdestarja ligjore deklaroi në vitin 2018 se nëna e Alex, dhe gjyshi e kishin marrë të miturin për të jetuar në Marok.

Ajo tha se në atë kohë ata po kërkonin një mënyrë jetese alternative dhe nuk donin që Alex të shkonte në shkollë./ CNA





Lajmet e fundit nga