LEXO PA REKLAMA!

SHKARKO APP

Rrihet barbarisht mjeku/ Ngjarja zbulohet pas dy ditësh

2 Dhjetor 2022, 13:47, Kronika CNA
Rrihet barbarisht mjeku/ Ngjarja zbulohet pas dy ditësh
Foto ilustruese

Dy ditë më parë është dhunuar barbarisht një mjek.

Ngjarja ka ndodhur në Gramsh dhe vetëm ditën e sotme është bërë publike.

Raportohet se mjeku i familjes, Vladimir Shuli, është rrahur nga persona ende të paidentifikuar në banesën e tij.

Policia sot është kujtuar të njoftojë, pasi rasti ka dalë në media.

“Mbrëmjen e datës 30 nëntor, është dërguar nga familjarët, në spitalin e Gramshit, për ndihmë mjekësore, pasi ishte dëmtuar në fytyrë, shtetasi V. Sh., 60 vjeç, me detyrë mjek.

Nga veprimet paraprake hetimore, u konstatua se ky shtetas vuante nga probleme shëndetësore (hipertension).

Në vijim të hetimeve të thelluara për këtë rast, Policia ka identifikuar 2 autorët e dyshuar dhe ka referuar materialet në Prokurori, për ta, pasi dyshohet se kanë goditur shtetasin V. Sh.

Për të ruajtur konfidencialitetin e hetimeve që po kryhen në bashkëpunim me Prokurorinë pranë Gjykatës së Shkallës së Parë Elbasan, nuk bëhen të ditura të dhëna të tjera”, thuhet në njoftimin e Policisë./CNA.al

Lajmet e fundit nga