web counter
LEXO PA REKLAMA!

SHKARKO APP

App Store
Google Play

E fundit!

x

Riatdhesohet në Shqipëri bosi shqiptar i kokainës/ Mund të lirohet më herët

7 Qershor 2024, 08:35, Kronika CNA
Riatdhesohet në Shqipëri bosi shqiptar i kokainës/ Mund të
Erald Mema

Një bos shqiptar i krimit që përmbyti Britaninë e Madhe me kokainë mund të lirohet vite më herët në bazë të një marrëveshjeje transferimi për të lehtësuar krizën e mbipopullimit të burgjeve.

Erald Mema, 39 vjeç, i cili u dënua me 25 vjet burg për rolin e tij në operacionin "Enorm" të kontrabandës, do të vuajë më pak se gjysmën e dënimit pasi do të transferohet në një burg shqiptar, ku do të ketë akses në një dhomë  edhe për bashkëshorten për vizitat, raporton "The Telegraph". 

Ai është një nga 40 kriminelët më të rrezikshëm të Shqipërisë të dënuar në Mbretërinë e Bashkuar dhe është përzgjedhur për të vuajtur pjesën tjetër të dënimit në vendin e tij. Kjo sipas një marrëveshjeje në të cilën Britania e Madhe po i paguan Shqipërisë më shumë se 4 milionë funte për t'i rikthyer ata në vendin e lindjes. 

Mema u dënua në Gjykatën e Oksfordit në vitin 2018 për kontrabandë kokaine me vlerë miliona paund në Mbretërinë e Bashkuar si bos i një grupi të krimit të organizuar.

Ai do të transferohet në një burg të sigurisë së lartë në Shqipëri sipas një marrëveshjeje të krijuar për të trajtuar mbipopullimin e burgjeve duke lejuar deri në 200 nga kriminelët më të këqij të Shqipërisë, duke përfshirë vrasës, përdhunues dhe baronë të drogës, të përfundonin dënimet e tyre në vend./CNA 





Lajmet e fundit nga