web counter
LEXO PA REKLAMA!

SHKARKO APP

App Store
Google Play

Përplasën me makinat e tyre të miturin që humbi jetën në Tiranë/ Vihen në pranga dy persona

24 Shkurt 2026, 22:47, Kronika CNA

Përplasën me makinat e tyre të miturin që humbi jetën

Dy persona janë arrestuar lidhur me aksidentin e ndodhur ditën e sotme në rrugën “Kastriotët” në kryeqytet, ku një i mitur u përplas për vdekje.

Në pranga janë vënë dy drejtuesit e automjeteve të përfshirë në këtë aksident. Sipas informacioneve policore, i mituri është përplasur fillimisht nga automjeti që drejtonte 55-vjeçari T.Sh., dhe më pas nga automjeti që drejtonte 42-vjeçarja me iniciale V. K

Të dy drejtuesit e automjeteve janë larguar nga vendi i aksidentit. Në njoftimin e policisë thuhet se 55-vjeçari, i cili e ka transportuar të miturin, në spital, ka tentuar të mohojë dijeninë rreth aksidentit.

Njoftimi i policisë:

Tiranë/Zbardhen autorësia dhe rrethanat e aksidentit të ndodhur mesditën e sotme, në rrugën “Kastriotët”, me pasojë vdekjen e një të mituri.

Identifikohen dhe vihen në pranga drejtuesit e 2 automjeteve të përfshira në këtë aksident.

Gjenden dhe sekuestrohen 2 automjetet.

Si rezultat i hetimeve të kryera nga grupi i posaçëm, menjëherë pas aksidentit të ndodhur rreth orës 11:20 të datës 24.02.2026, në rrugën “Kastriotët”, si pasojë e të cilit humbi jetën një 7 vjeçar, specialistët e qarkullimit rrugor identifikuan dhe arrestuan autorët e dyshuar të rastit, shtetasit T. Sh., 55 vjeç dhe V. K., 42 vjeçe.

Nga veprimet hetimore të deritanishme dyshohet se i mituri është përplasur fillimisht nga automjeti që drejtonte 55-vjeçari dhe më pas nga automjeti që drejtonte shtetasja V. K.

Të dy drejtuesit e automjeteve janë larguar nga vendi i aksidentit.

Gjatë veprimeve hetimore, 55-vjeçari, i cili e ka transportuar të miturin, në spital, ka tentuar të mohojë dijeninë rreth aksidentit.

Hetimet vijojnë për të individualizuar dhe dokumentuar përgjegjësinë penale të secilit prej të arrestuarve.

Materialet procedurale iu referuan Prokurorisë së Tiranës, për veprime të mëtejshme. /CNA





Lajmet e fundit nga