web counter
LEXO PA REKLAMA!

SHKARKO APP

E fundit!

x

Parakalime të rrezikshme te tunelet në Rrugën e Arbrit/ Gjobë 30 mijë lekë për 2 shoferë

12 Gusht 2025, 15:47, Kronika CNA

Parakalime të rrezikshme te tunelet në Rrugën e Arbrit/

Kryen parakalime të rrezikshme tek Ura e Vashës dhe në tunelin e Murrizit, identifikohen dhe ndëshkohen me masë administrative dy drejtuesit e automjeteve.

Bazuar në pamjet filmike të dërguara nga një qytetar në adresën zyrtare të rrjetit social ‘Facebook’ të DVP Dibër, ku shfaqej një drejtues automjeti duke kryer parakalim të rrezikshëm në Urën e Vashës, si dhe pas publikimit të një videoje në rrjete sociale në të cilën shfaqej një tjetër drejtues automjeti duke kryer parakalim të rrezikshëm brenda tunelit të Murrizit, Shërbimet e Policisë Rrugore të Dibrës kanë kryer menjëherë veprimet për identifikimin e drejtuesve të automjeteve.

Nga verifikimet e kryera, u identifikuan drejtuesit e automjeteve, shtetasi R.S., banues në Klos; dhe shtetasja V.M., banuese në Tiranë.

Në zbatim të nenit 146 të Kodit Rrugor, shtetasi R.S., u ndëshkua me masë administrative 10 000 lekë, për shkeljen e kryer.

Në zbatim të nenit 174 të Kodit Rrugor, shtetasja V.M., u ndëshkua me masë administrative 20 000 lekë, për shkeljen e kryer, si dhe iu zbritën 15 pikë nga leja e drejtimit./CNA





Lajmet e fundit nga