web counter
LEXO PA REKLAMA!

SHKARKO APP

App Store
Google Play

Në kërkim për prodhim dhe shitje narkotikësh/ Arrestohet në Shijak 45-vjeçari me dy identitete

8 Janar 2026, 09:28, Kronika CNA

Në kërkim për prodhim dhe shitje narkotikësh/ Arrestohet

Një shtetas 45-vjeçar është vënë në pranga në Shijak në përfundim të operacionit policor të koduar “Masa”, për kapjen e personave të shpallur në kërkim.

Ndaj shtetasit E. K., alias A. K., ishte caktuara masë sigurie “Arrest në burg”, i shpallur në kërkim prej janarit 2025 për veprimtari kriminale në fushën e narkotikëve.

Njoftimi:

Në zbatim të planit të masave të hartuar për lokalizimin dhe kapjen e personave të shpallur në kërkim, si rezultat i kontrolleve të bazuara në informacione të siguruara në rrugë operative nga strukturat e DVP Durrës, Seksioni për Hetimin e Narkotikëve, në bashkëpunim me Forcën e Posaçme Operacionale pranë Drejtorisë Vendore të Policisë Durrës, zhvilluan dhe finalizuan me sukses operacionin policor të koduar “Masa”.

Si rezultat i operacionit u lokalizua dhe u vu në pranga  shtetasi  E. K., alias A. K., 45 vjeç, banues në Xhafzotaj, Shijak.

Ky shtetas ishte i shpallur në kërkim pasi Gjykata e Juridiksionit të Përgjithshëm Durrës, në korrik të vitit 2025, ka caktuar masën e sigurisë “arrest me burg”, për veprën penale “Prodhimi dhe shitja e narkotikëve”.

Në janar 2025, bazuar në informacionet e siguruara në rrugë operative për një shtetas që shiste lëndë narkotike, strukturat e DVP Durrës kanë ushtruar kontroll në banesën e këtij shtetasi, ku kanë sekuestruar një sasi lënde narkotike kanabis. Në momentin e kontrollit, ky shtetas nuk u gjet në banesë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme./CNA





Lajmet e fundit nga