web counter
LEXO PA REKLAMA!

SHKARKO APP

App Store
Google Play

Zbulohen arsenal armësh dhe drogë/ Arrestohen babë e bir

7 Janar 2026, 09:48, Kronika CNA

Policia e Fierit ka finalizuar operacionin policor të koduar “New Start 2”, duke goditur një veprimtari kriminale të shitjes së lëndëve narkotike dhe posedimit të armëve.

Si rezultat i një hetimi njëmujor nga Sektori për Hetimin e Narkotikëve i DVP Fier, në bashkëpunim me Prokurorinë e Fierit dhe me mbështetjen e Forcave Operacionale dhe “Shqiponjave”, u arrestua shtetasi A. H., 34 vjeç, banues në fshatin Suk, Roskovec.

Gjatë operacionit, policia e ndaloi 34-vjeçarin në dalje të fshatit Suk, ku në automjetin e tij u gjet rreth 1 kilogram lëndë narkotike kanabis sativa, e ndarë në doza gati për shitje.

Në vijim, nga kontrolli i banesës dhe lokalit në pronësi të tij dhe të babait, shërbimet e Policisë sekuestruan 17.6 kilogramë lëndë të dyshuar narkotike kanabis sativa, të përpunuar dhe të ndarë në doza, si edhe një arsenal armësh, përfshirë 2 pistoleta, 2 armë automatike, 2 granata luftarake dhe 1110 fishekë luftarakë të kalibrave të ndryshëm. Po ashtu, u sekuestruan 2 aparate celularë dhe 1 motomjet.

Në kuadër të hetimeve u arrestua edhe babai i 34-vjeçarit, shtetasi A. H., 61 vjeç.

Policia, në bashkëpunim me Prokurorinë e Fierit, vijon punën për dokumentimin e plotë ligjor të rastit. Materialet procedurale i janë referuar Prokurorisë për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve shpërthyese dhe municionit”./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga