LEXO PA REKLAMA!

SHKARKO APP

App Store
Google Play

“Nami” në Devoll/ Nën hetim “i rrezikshmi” që transportonte dru

19 Shtator 2023, 09:03, Kronika CNA
“Nami” në Devoll/ Nën hetim “i rrezikshmi”
Foto ilustruese

Vijojnë “megaoperacionet” e policisë në qarkun e Korçës. Nuk do ta besoni, por së fundi është arrestuar një person mjaft “i rrezikshëm”, i cili është kapur dhe ndodhet nën hetim pasi transportonte dru.

Shtetasi K. F., 41 vjeç, ka kryer një “krim të rëndë” pasi po transportonte një sasi dru zjarri pa leje. Si pasojë policia ka sekuestruar furgonin me të cilin 41-vjeçari ka kryer "krimin" si dhe drutë.

“Transportonte me furgon, lëndë drusore pa dokumentacionin përkatës, procedohet penalisht 41-vjeçari.  

Sekuestrohen sasia e druve e prerë në mënyrë të paligjshme dhe automjeti furgon që shërbente për t’i transportuar. 

Specialistët për Hetimin e Krimeve të Komisariatit të Policisë Devoll, në zbatim të planit të masave për parandalimin dhe goditjen e krimeve mjedisore, goditën një tjetër rast të prerjes së paligjshme të pyjeve. Si rezultat u referuan materialet në Prokurori, ku filloi procedimi në gjendje të lirë për shtetasin K. F., 41 vjeç, banues në fshatin Arrëz, Devoll.

Ky shtetas u kap nga shërbimet e Policisë, në aksin rrugor “Miras-Bilisht”, duke transportuar me automjetin furgon tip “Benz”, një sasi dru zjarri, pa dokumentacionin përkatës, e cila së bashku me automjetin u sekusestruan në cilësinë e provës mareriale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme”, thuhet në njoftimin e policisë./ CNA

Lajmet e fundit nga