web counter
LEXO PA REKLAMA!

SHKARKO APP

App Store
Google Play

Misteri i zhdukjes së Martinajt/ Ish-drejtuesi i policisë: Nuk besoj se do të zbardhet

20 Prill 2023, 22:38, Kronika CNA
Misteri i zhdukjes së Martinajt/ Ish-drejtuesi i policisë: Nuk besoj
Ish-drejtuesi i lartë i Policisë së Shtetit, Arben Hajdarmataj

Që prej gushtit të vitit 2022, “bosi” i lojërave të fatit dhe i shumëkërkuari nga drejtësia, Ervis Martinaj u shpall i zhdukur dhe që prej asaj kohe fati i tij ka mbetur enigmë.

Për zhdukjen e Martinajt ka folur mbrëmjen e sotme ish-drejtuesi i lartë i Policisë së Shtetit, Arben Hajdarmataj.

Në një dalje televizive, ai tha se beson se do të ketë të dhëna për zhdukjen e Martinajt. Ish-drejtuesi i policisë theksoi se nëse një ngjarje kalon 6 muaj pa u zbardhur, atëherë ajo mund të mbetet gjithmonë enigmë.

“I gjithë informacioni, gjithmonë ka një pistë. Këto pista hetimi mund të jenë edhe të sakta. Por gjetja e provës është pak e vështirë. Kjo është një nga arsyet që të mban peng. Arsyeja tjetër është edhe paaftësia për të kryer hetime. E gjithë kjo teknologji që po përdoret për të bërë hetime, nga kamerat e sigurisë te mjetet e tjera, do të thoja që policia nuk është e zonja dhe nuk i ballafaqon dot këto të dhëna teknologjike. Del një ngjarje, harrohet ajo, del një tjetër dhe hyjmë në një rreth ciklik dhe ne si qytetarë nuk ndihemi të sigurt.

Fatkeqësisht për Martinajn nuk ka të dhëna dhe mendoj se nuk do të ketë. Për rastet e bujshme të zhdukjeve, kemi rastin përshembull të vrasjes së bankierit Santo, etj. Unë mendoj se një ngjarje e bujshme nuk arrin të zbardhet brenda 6 muajve, atëherë ajo dosje harrohet. Kalon nga një kasafortë në një tjetër. Kemi disa ngjarje të vjetra të zbuluara, për shkak të pendimit të disa kriminelëve që kanë dhënë detaje për ngjarjen. Nuk kemi zbulueshmëri për shkak të paaftësisë së policisë dhe prokurorisë. Pra fatkeqësisht nëse nuk arrihet që të zbardhet në një afat 6 mujor, kjo dosje harrohet”, deklaroi Hajdarmataj./ CNA.al





Lajmet e fundit nga