LEXO PA REKLAMA!

SHKARKO APP

Misteri i vetëvrasjes së çiftit shqiptar në SHBA/ Zbardhen deklaratat e fqinjëve

7 Gusht 2022, 17:01, Kronika CNA
Misteri i vetëvrasjes së çiftit shqiptar në SHBA/ Zbardhen
Foto ilustruese

Sipas medias amerikane, hetuesit amerikanë në New York dyshojnë se vdekja e Florind Belliu dhe gruas së tij Ornelës, nuk ishte pjesë e një pakti vetëvrasës, por një përleshje që u kthye në vdekjeprurëse.

Sipas deklaratave të fqinjëve dyshohet se çifti shqiptar kanë debatuar para se të vdisnin.

“Dikush tha se kishte të bërtitura. Pashë një çantë në shkallët e zjarrit, ndoshta ajo po përpiqej të largohej”,  ka deklaruar  Steve Iurilli, 63 vjeç.

Porter Harold Jonson, 60 vjeç, vuri re se diçka nuk po shkonte me 35-vjeçarin një natë para ngjarjes tragjike.

“E pashë mbrëmë, i thashë, ‘a je mirë?’, sepse sytë e tij ishin shumë të hapur. Sytë e tij ishin vërtet të zmadhuar, sikur të ishte i zemëruar.”

Një punëtor ndërtimi aty pranë dëgjoi rënien e çiftit dhe vrapoi për të parë se çfarë ndodhi, kujton fqinji Frank Mussemeci.

“Ai po pinte kafe aty”, tha Mussemeci, 50 vjeç. “Dhe ata dëgjuan një zhurmë të madhe si një copë çeliku që përplaset në tokë, si ‘bum’.”

Sapo u zbuluan trupat jashtë pati aq shumë zhurmë sa fqinja Alba Rivera, 67 vjeçe, mendoi se ndërtesa ishte në flakë.

“Hajde këtu!” ulëriti punëtori i ndërtimit, u kujtua Mussemeci. “Njerëz sapo ranë nga ndërtesa!”.

Një fëmijë u dëgjua duke bërtitur “Mami! Mami!” disa sekonda pas zhurmës, tha Mussemeci.

Resto, 28 vjeç, fillimisht mendoi se ajo që kishte dëgjuar ishte një aksident me makinë.

 “Fqinja ime shkoi të hidhte mbeturinat dhe ajo i pa atje. Shpresoj të mos e shoh më kurrë këtë. Zemra ime shkon me ta”, tha banori i goditur i shokuar.

Fqinjët thanë se çifti jetonte atje me djemtë e tyre të mitur, të cilët kanë qenë brenda në banesë kur ka ndodhur ngjarja.

“Ata ishin fëmijë super të mirë, dy djem të vegjël. Ata po luanin me qenushin tim dy ditë më parë. Edhe prindërit ishin vërtet të mirë. Gruaja ishte super e këndshme. Djaloshi ishte pak i rezervuar, por një familje e bukur.” tha fqinji Giovanni Resto për Daily News./ CNA.al

Lajmet e fundit nga