LEXO PA REKLAMA!

SHKARKO APP

Megaoperacioni "Tempulli"/ Rritet numri i të arrestuarve

20 Tetor 2023, 10:45, Kronika CNA
Megaoperacioni "Tempulli"/ Rritet numri i të arrestuarve
Foto ilustruese

Megaoperacion “Tempulli” vijon duke çuar në 99 numrin e shtetasve të arrestuar për shpërndarje të lëndëve narkotike.

Policia së fundi ka arrestuar 2 persona të shpallur në kërkim në kuadër të operacionit.

Bëhet fjalë për shtetasit J.H., 27 vjeç dhe K.L., 54 vjeç, të cilët janë vënë në pranga nga policia dhe akuzohen për veprën penale prodhim dhe shitje të lëndëve narkotike.

Vihen në pranga 2 shtetas të shpallur në kërkim në kuadër të këtij megaoperacioni, shkon në 99 numri i shtetasve të ndaluar.

Më parë, gjatë zhvillimit të këtij operacioni, janë sekuestruar 10 kg lëndë e dyshuar narkotike cannabis sativa, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.

Shërbimet e Seksionit për Hetimin e Narkotikëve, në vijim të megaoperacionit policor mbarëkombëtar të koduar "Tempulli", bazuar dhe në inteligjencën informative, për vendndodhjen e dy shtetasve të shpallur në kërkim në kuadër të këtij megaoperacioni, kanë intensifikuar kontrollet për kapjen dhe vënien e tyre përpara përgjegjësisë ligjore.

Si rezultat, u kapën dhe u vunë në pranga shtetasit:

J. H., 27 vjeç dhe K. L., 54 vjeç, të dy banues në Tiranë.

Këta shtetas ishin shpallur në kërkim pasi Gjykata e Shkallës së Parë e Juridiksionit të Përgjithshëm Tiranë iu ka caktuar masën e sigurisë "Arrest në burg", për veprën penale "Prodhimi dhe shitja e narkotikëve".  

Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.”, njofton policia./ CNA

Lajmet e fundit nga