web counter
LEXO PA REKLAMA!

SHKARKO APP

App Store
Google Play

E fundit!

x

Lezhë, abuzoi seksualisht me një të mitur/ Arrestohet 38-vjeçari

16 Shkurt 2025, 10:06, Kronika CNA

Lezhë, abuzoi seksualisht me një të mitur/ Arrestohet

Policia e Lezhës ka arrestuar shtetasin S. Gj., 38 vjeç, banues në Milot, i cili dyshohet për vjedhje bagëtish dhe marrëdhënie seksuale me një të mitur.

Arrestimi i tij është realizuar në kuadër të operacionit "Tranzit", pas hetimeve të kryera nga Seksioni i Krimeve të Rënda.

38-vjeçari akuzohet për vjedhjen e bagëtive në fshatin Gajush dhe zona të tjera të Lezhës.

Gjatë kontrollit në banesën e tij, policia ka sekuestruar dy automjete, të cilat dyshohet se janë përdorur për transportimin e bagëtive të vjedhura. Hetimet vazhdojnë për zbardhjen e plotë të këtij rasti.

Njoftimi i policisë:

"Gjatë hetimeve, autoritetet zbuluan gjithashtu se ai kishte kryer marrëdhënie seksuale me një vajzë 13-vjeçare.  Vihet në pranga një shtetas për vjedhje dhe marrëdhënie seksuale me të mitur. Sekuestrohen dy automjeteve dhe prova të tjera për dokumentimin ligjor të veprave të kryera nga ky shtetas.

Seksioni për Krimet në Volum në Komisariatin e Policisë Lezhë, në vijim të punës për parandalimin, evidentimin dhe zbardhjen e rasteve të vjedhjeve të pronës dhe vënien para përgjegjësisë ligjore të autorëve, si dhe në bazë të provave të grumbulluara, finalizuan operacionin policor të koduar “Tranzit”, në kuadër të cilit u bë i mundur  kapja dhe ndalimi i shtetasit: Simon Gjoka,38 vjeç, lindur dhe banues ne Milot Kurbin.

Nga hetimet e kryera ka rezultuar se shtetasi S. Gj, është autori i disa vjedhjeve të bagëtive të trasha  në fshatin Gajush, vjedhje të ndodhura në javën e parë të muajit shkurt 2025, si dhe dyshohet se ka kryer edhe disa vjedhje të tjera  në fshatra të tjera ku vijon puna për dokumentimin ligjor të tyre.

Gjatë kontrollit në banesën e tij,  Policia sekuestroi dy automjete që shërbenin për transportimin e bagëtive të trasha që ky shtetas vidhte në fshatrat e Lezhës. Po ne vijim të veprimeve  policia gjatë këqyrjes së celularit të këtij shtetasi zbuloi se  38 vjeçari kishte kryer marrëdhënie seksuale e  një të mitur 13 vjeçare (vajzën e  një shtetaseje që strehohej në banesën e saj në Lezhë, lidhje miqësore e tij)", njofton policia./CNA





Lajmet e fundit nga