web counter
LEXO PA REKLAMA!

SHKARKO APP

App Store
Google Play

I ranë sipër inertet e një objekti që po rikonstruktohej/ I mituri dërgohet te spitali i Traumës

17 Shkurt 2026, 10:24, Kronika CNA

I ranë sipër inertet e një objekti që po rikonstruktohej/ I

Një i mitur është plagosur në Kukës, pasi teksa po luante pranë një objekti që po rikonstruktohej, është dëmtuar nga inertet që e kanë zënë poshtë.

11-vjeçari është dërguar me urgjencë në spitalin e Traumës dhe fatmirësisht ndodhet jashtë rrezikut për jetën.

Lidhur me ngjarjen e ndodhur ditën e djeshme janë proceduar penalisht punonjësi dhe drejtuesi teknik i firmës që po kryente rikonstruksionin e objektit.

“Specialistët për Hetimin e Krimeve të Komisariatit të Policisë Kukës referuan materialet në Prokurori ku nisi procedimi për shtetasit:

K. K., 26 vjeç, banues në Kukës, për veprën penale “Plagosja e lehtë nga pakujdesia”, punonjës i firmës që po kryen punimet për rikonstruksionin e një objekti pranë shkollës së mesme në qytetin e Kukësit, pasi dje, gjatë kohës që ka hedhur inerte, është dëmtuar një nxënës 11-vjeç, i cili kishte kaluar perimetrin e sigurisë. Ai po merr mjekim në Spitalin e Traumës dhe nuk ka probleme për jetën.

A. D., 62 vjeç, drejtuesi teknik i firmës që po kryen punimet për rikonstruksionin e objektit, për veprën penale “Shkelja e rregullave të mbrojtjes në punë””, thuhet në njoftimin e policisë. /CNA





Lajmet e fundit nga