web counter
LEXO PA REKLAMA!

SHKARKO APP

App Store
Google Play

I riu humbi jetën teksa riparonte një automjet/ Arrestohet pronari i servisit në Librazhd

16 Shkurt 2026, 11:23, Kronika CNA
I riu humbi jetën teksa riparonte një automjet/ Arrestohet pronari i
Foto ilustruese

Një 23-vjeçar ka humbur jetën ditën e djeshme teksa riparonte automjetin e tij në një servis në fshatin Dardhë të Librazhdit. Lidhur me ngjarjen është vënë në pranga pronari i servisit.

Shtetasi I. P., 40 vjeç, u arrestua për veprat penale “Shkelja e rregullave të mbrojtjes në punë” dhe “Punësimi i paligjshëm”. Ai kishte punësuar në mënyrë të paligjshme vëllain e tij dhe person tjetër.

“Në vijim të informacionit të dhënë dje, për ngjarjen e ndodhur në servisin e shtetasit I. P., në fshatin Dardhë, ku humbi jetën gjatë riparimit të automjetit të tij, shtetasi L. D., 23 vjeç, bëjmë me dije se në vijim të veprimeve hetimore dhe procedurale të kryera nga specialistët për Hetimin e Krimeve të Komisariatit të Policisë Librazhd, në drejtimin e Prokurorisë, u arrestua në flagrancë shtetasi I. P., 40 vjeç, për veprat penale “Shkelja e rregullave të mbrojtjes në punë” dhe “Punësimi i paligjshëm”.  Nga hetimet dyshohet se shtetasi I. P. kishte punësuar në mënyrë të paligjshme në subjektin e tij, shtetasit J. P. (vëllai i tij) dhe M. Q.”, thuhet në njoftimin e policisë. /CNA





Lajmet e fundit nga