web counter
LEXO PA REKLAMA!

SHKARKO APP

App Store
Google Play

E fundit!

x

Goditet grupi kriminal që trafikonte armë zjarri në Tiranë, arrestohen dy persona

10 Mars 2026, 09:05, Kronika CNA

Goditet grupi kriminal që trafikonte armë zjarri në Tiranë,

Një tjetër rast i trafikimit dhe shitjes së armëve të zjarrit është goditur nga Policia e Tiranës, pas një hetimi dymujor të zhvilluar me metoda proaktive në bashkëpunim me Prokurorinë.

Në kuadër të operacionit policor të koduar “Rotondo”, shërbimet e Komisariatit të Policisë Nr. 4 arrestuan në flagrancë dy shtetas që transportonin armë zjarri me automjet. Në pranga ranë D. J., 31 vjeç, banues në Shkodër, dhe F. Gj., 22 vjeç, banues në fshatin Domje.

Automjeti tip “Volkswagen”, që drejtohej nga 22-vjeçari dhe ku pasagjer ishte 31-vjeçari, u ndalua për kontroll në zonën e njohur si “Rrethi i Freskut”, në bashkëpunim me Forcën e Posaçme Operacionale të Drejtorisë Vendore të Policisë Tiranë.

Gjatë kontrollit në mjet, policia gjeti dhe sekuestroi 6 armë zjarri pistoleta të markës “SigSauer”, të cilat dyshohet se ishin trafikuar nga Mali i Zi me qëllim shitjen e tyre kryesisht në zonën e Freskut. Bashkë me armët u sekuestruan edhe automjeti, si dhe 4 telefona celularë.

Në vijim të hetimeve për këtë veprimtari kriminale, policia ka identifikuar dhe shpallur në kërkim edhe një bashkëpunëtor të dyshuar të të arrestuarve, shtetasin E. S.

Autoritetet bëjnë me dije se vijon puna për kapjen e tij, ndërsa hetimet, nën drejtimin e Prokurorisë së Tiranës, po vazhdojnë për të identifikuar persona të tjerë që mund të jenë të përfshirë në këtë rast./ CNA





Lajmet e fundit nga