web counter
LEXO PA REKLAMA!

SHKARKO APP

App Store
Google Play

Aksident me një viktimë në Shkodër

9 Mars 2026, 20:35, Kronika CNA

Aksident me një viktimë në Shkodër

Një aksident me pasojë humbjen e jetës së një personi ka ndodhur në në aksin rrugor “Shtoj – Ish-Reparti Ushtarak” në Shkodër.

Shtetasi N.K., ka humbur kontrollin mbi automjetin dhe për pasojë është përplasur me një shtyllë dhe një mur rrethues. Përplasja ka rezultuar fatale për drejtuesin e automjetit, i cili humbi jetën.

"Rreth orës 19:25, në aksin rrugor “Shtoj – Ish-Reparti Ushtarak”, në një rrugë dytësore, shtetasi N. K., duke drejtuar automjetin e tij, dyshohet se ka humbur kontrollin mbi drejtimin e automjetit dhe për pasojë automjeti është përplasur me një shtyllë dhe një mur rrethues. Si pasojë, shtetasi N. K. ka humbur jetën. Grupi hetimor po punon për sqarimin e rrethanave të këtij rasti", thuhet në njoftimin e policisë.

Bëhet me dije se viktima ka mbetur i bllokuar brenda automjetit pasi u përplas me një shtyllë në rrugën dytësore. Pas pak minutash është arritur që të nxirret nga makina duke u transportuar me një ambulancë drejt spitalit të Shkodrës.

Burime nga vendngjarje bëjnë me dije se 61-vjeçari ka pësuar një infarkt gjë e cila më pas ka sjellë përplasjen e fortë me shtyllën në anë të rrugës duke gjetur kështu vdekjen e menjëhershme.

Viktima vuante nga disa sëmundje gjë e cila dyshohet se i shkaktoi infarktin teksa ndodhej duke drejtuar automjetin. Policia vijon të jetë në vendngjarje për ta zbardhur të plotë këtë aksident me pasojë fatale. /CNA





Lajmet e fundit nga