web counter
LEXO PA REKLAMA!

SHKARKO APP

App Store
Google Play

Pastrim parash në Berat/ Sekuestrohen shuma të mëdha, arrestohet 67-vjeçari

9 Mars 2026, 14:20, Kronika CNA

Pastrim parash në Berat/ Sekuestrohen shuma të mëdha, arrestohet

Një 67-vjeçar u vu në pranga në Berat, pasi përbënte një rast të dyshuar të pastrimit të produkteve të veprës penale.

Nga operacioni policor i koduar “Produkti” u sekuestruan 54,890 euro, 2,020 paund, 1,850 dollarë dhe 2,850 franga, si dhe 1 automjet dhe 1 aparat celular.

Njoftimi:

Si rezultat i një pune hetimore të kryer mbi bazën e informacioneve të siguruara, specialistët e Seksionit për Hetimin e Krimeve Ekonomiko-Financiare në DVP Berat finalizuan operacionin policor të koduar “Produkti”, në kuadër të të cilit u godit një rast i dyshuar në fushën e pastrimit të produkteve të veprës penale.

Gjatë operacionit u arrestua në flagrancë shtetasi K. K., 67 vjeç, banues në Berat.

Nga kontrollet e ushtruara nga shërbimet e Policisë, në automjetin dhe në banesën e tij u gjetën dhe u sekuestruan, në cilësinë e provës materiale, 54 890 euro, 2020 paund, 1850 dollarë dhe 2850 franga, shuma monetare që dyshohet se rrjedhin nga veprimtari të kundërligjshme, si dhe 1 automjet dhe 1 aparat celular.

Vijojnë veprimet hetimore dhe procedurale për dokumentimin e plotë të kësaj veprimtarie kriminale, si dhe për identifikimin e shtetasve të tjerë që mund të jenë të implikuar.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprën penale “Pastrimi i produkteve të veprës penale ose veprimtarisë kriminale”./CNA 





Lajmet e fundit nga