LEXO PA REKLAMA!

SHKARKO APP

Gjendet e pajetë në Shkodër 36-vjeçarja amerikane/ Dyshimet e para

24 Maj 2023, 21:35, Kronika CNA
Gjendet e pajetë në Shkodër 36-vjeçarja amerikane/
Foto ilustruese

Një 36-vjeçare amerikane është gjetur pa shenja jete në hostelin ku qëndronte me nënën e saj në Shkodër.

Policia ka shkuar menjëherë në vendngjarje dhe nga këqyrja e trupit nuk ka konstatuar shenja dhune.

Sipas informacioneve paraprake, dyshohet se e reja ka humbur jetën si pasojë e mbidozës së ilaçeve.

Njoftimi i policisë:

Rreth orës 18:00, salla operative e Drejtorisë Vendore të Policisë Shkodër ka marrë njoftim se në lagjen "Tre Heronjtë", në hostelin ku banonte me qira, është gjetur nga nëna e saj, pa shenja jete, shtetasja A. N., 36 vjeçe, banuese në Texas, SHBA.

Në vendngjarje kanë shkuar menjëherë shërbimet e Policisë dhe grupi hetimor dhe nga këqyrja paraprake e trupit të 36-vjeçares, nuk janë konstatuar shenja dhune.

Nga veprimet e para hetimore dyshohet se shtetasja A. N. ka humbur jetën, për shkak të një mbidoze ilaçesh.

Grupi hetimor vijon punën për sqarimin e plotë të rrethanave të kësaj ngjarjeje./ CNA.al

Lajmet e fundit nga