web counter
LEXO PA REKLAMA!

SHKARKO APP

App Store
Google Play

E fundit!

x

Ekzekutoi në një lokal në Milano bashkatdhetarin, kërkohet burg përjetë për Rigels Gjinajn

13 Nëntor 2023, 14:30, Kronika CNA
Ekzekutoi në një lokal në Milano bashkatdhetarin, kërkohet
Rigels Gjinaj

Rigels Gjinaj, 34-vjeçari shqiptar, i cili në shtator të vitit të kaluar qëlloi për vdekje Emanuel Rrokun në një lokal në Turbigo (në qytetin metropolitan të Milanos), rrezikon burgim të përjetshëm.

Mediat italiane raportojnë se Prokurori publik Ciro Caramore kundërshtoi kërkesën për drejtësi "restauruese" të bërë nga mbrojtja e të pandehurit, në vend të kësaj kërkoi dënimin maksimal për të nga Gjykata e Asizeve të Gjykatës së Busto Arsizio.

Si ndodhi vrasja? 

Mbrëmjen e 16 shtatorit 2022 Rroku ishte ulur në tavolinat e jashtme të një lokali përgjatë Via Allea Comunale në Turbigo. Me sa duket ka lindur një debat me Rigelsin, i cili kulmoi me 34-vjeçarin shqiptar që nxori pistoletën gjysmautomatike dhe qëlloi të paktën tri herë, një plumb goditi bashkatdhetarin e tij 23-vjeçar dhe dy të tjerët plagosën dy persona, përfshirë këtu, një djalë 20-vjeçar.

23-vjeçari ka ndërruar jetë pak pasi ka mbërritur në spitalin e Legnano-s, ndërsa 34-vjeçari është shtruar për disa kohë në Gallarate për shkak të rrahjeve që ka pësuar atë mbrëmje.

“Nuk doja të vrisja njeri. Do të doja të kthehesha pas dhe të fshija gjithë këtë dhimbje”, deklaroi Rigelsi, i cili përfundoi në burg për vrasje./CNA

 





Lajmet e fundit nga