web counter
LEXO PA REKLAMA!

SHKARKO APP

App Store
Google Play

Detaje nga atentati ndaj Julit të Pashakos/ Njerëz të maskuar qëlluan me breshëri për 10 sekonda, shoqërohen 25 persona

26 Nëntor 2025, 12:10, Kronika CNA

Detaje nga atentati ndaj Julit të Pashakos/ Njerëz të maskuar

Policia e Lushnjës ka shoqëruar deri tani 25 persona për të dhënë dëshminë në lidhje me atentatin ndaj Julian Sulës ose siç njihet ndryshe Jul i Pashakos.

Mësohet se pjesa më e madhe e të shoqëruarve janë dëshmitarë që kanë qenë në vendin e ngjarjes në momentin kur u krye atentati, si dhe persona që njihen për armiqësitë me Sulën.

Juli i Pashakos ka deklaruar se nuk di asgjë në lidhje me atentatorët pasi dëgjoi vetëm krismat dhe menjëherë u fsheh poshtë sediles për të shpëtuar.

”Nuk di asgjë, s’pashë asgjë, vetëm dëgjova krismat dhe u ula poshtë sediles t’u shpëtoja plumbave” mësohet të ketë thënë Julian Sula në dëshminë e tij për hetuesit.

Atentati ndodhi paraditen e së martës pranë stadiumit të Lushnjës ku disa shtetas qëlluan me breshëri automatiku dhe pistoletë nga një automjet në lëvizje. Më pas autorët janë larguar e kanë djegur makinën dhe armët në fshatin Lifaj.

Julian Sula u plagos në këmbë. Ai është person me precedentë penalë dhe në zonë njihet si armiku i Aldo Bares. Sulo është arrestuar më parë si i përfshirë në atentatin ndaj nipit të Aldo Bares, por nuk u gjet asnjë provë dhe më pas ai u la i lirë.

Njihet edhe si mik i Redjan Rrajës, i dënuar me burgim të përjetshëm për atentatin ndaj ish-prokurorit Arjan Ndoja dhe Aleksandër Lahos, i njohur si Rrumi i Shijakut.

Ditën e sotme në media janë publikuar edhe pamje nga atentati. Në drejtim të tij u qëllua me breshëri plumbash teksa po lëvizte me makinën tip “BMW” në afërsi të spitalit të qytetit.

Dy persona, me maskë të zezë në fytyrë dhe me kapele, kanë dalë nga makina, të cilën e kanë parkuar në kthesën e rrugës “Misto Mame". Sipas pamjeve atentati ka zgjatur vetëm 10 sekonda.

Pistat e hetimit janë përqendruar tek aktiviteti i Julit të Pashakos nga viti 1997 e deri tani./CNA

 

 

 

 

 

 

 





Lajmet e fundit nga