E fundit!

19:31 Aktualitet

Gabimi trashanik i Veliajt/ Betonieret “pushtojnë” rrugët e Tiranës

Problemi me qarkullimin e mjeteve të tonazhit të rëndë në ...

“Juli i Pashakos”, rival i Aldo Bares/ Kush është shënjestra e atentatit të sotëm në Lushnjë

25 Nëntor 2025, 11:57, Kronika CNA

“Juli i Pashakos”, rival i Aldo Bares/ Kush është

Julian Sula, 45 vjeç, është personi ndaj të cilit sot pranë stadiumit në Lushnjë iu bë atentat.

Automjeti në të cilin lëvizte Sula u qëllua me plumba dhe mbeti i plagosur në këmbë.

Sula ndodhet në spital, ndërsa policia po heton ngjarjen dhe është në kërkim të autorëve.

Në fshatin Lifaj u gjet dhe automjeti i atentatorëve që plagosën 45-vjeçarin.

Po kush është Julian Sula?

Julian Sula është një personazh jo pak i njohur për autoritetet. Ai njihet me nofkën “Juli i Pashakos” dhe është një person me precedentë penalë.

Sula dyshohet të jetë përfshirë në veprimtari kriminale, përfshirë pastrim parash.

Në vitin 2021, policia i sekuestroi 70,060 euro dhe një makinë luksi (Porsche Cayenne) nga pasuritë e tij.

Po ashtu, prokuroria ka nisur hetime pasurore me pretendimin që disa nga pasuritë e tij janë fituar në mënyrë të paligjshme.

Julian Sula është njeriu që u dyshua si “personi i tretë” i përfshirë në masakrën e Lushnjës ku u vranë disa persona. Ai vetë u paraqit në polici për të dhënë deklarime, por u lirua pas marrjes në pyetje.

Nga hetimet nuk u gjetën prova bindëse që lidhnin Sulën direkt me ngjarjen.

Në qershor të 2016, Julian Sula u plagos rëndë me thikë në një pikë bastesh, pasi u përfshi në konflikt me persona që dyshohet se ishin anëtarë të bandës së Aldo Bares.

Sipas disa burimeve, ai është qëlluar disa herë me thikë në atë incident. Në vitin 2023, një apartament i Julian Sulës në Durrës (vlerë afërsisht 120,000 euro) iu konfiskua nga autoritetet. Kjo është pjesë e një hetimi pasuror penal.

Në medie, ai është përmendur si një “rival” i Aldo Bares, që është emër i njohur në skenën kriminale shqiptare.

Sulo njihet si një ndër kundërshtarët e Aldo Bares, ka miqësi të ngushtë me Laert Haxhiun dhe ka pasur një sërë problematikash në atentatet midis dy grupimeve.

Në 2019 është ndaluar në kufi me Redjan Rrajën teksa tentonte të dilte jashtë vendit pas atentatit në drejtim të ish-prokurorit Arjan Ndoja./ CNA