web counter
LEXO PA REKLAMA!

SHKARKO APP

App Store
Google Play

Armë në banesë dhe fara kanabisi/ Pranga 33-vjeçarit

25 Shkurt 2026, 14:00, Kronika CNA

Armë në banesë dhe fara kanabisi/ Pranga 33-vjeçarit

Policia ka vënë në pranga një 33-vjeçar, banues në Përmet, pasi gjatë kontrollit iu gjetën armë dhe lëndë narkotike.

Në pranga ka rënë K. K., të cilit nga kontrolli në banesë, blutë i gjetën 3 armë zjarri, 1 kallashnikov dhe 2 pushkë, fishekë dhe krehëra, 300 fara kanabisi, si dhe sasi kanabisi e dyshuar gati për shitje.

Armët dhe sasia e kanabisit janë sekuestruar në cilësin e provës materiale.

Po ashtu armët do të dërgohen në Institutin e Policisë Shkencore për të parë nëse janë përdorur në ngjarje kriminale.

 

 

Njoftimi i policisë

 

Përmet/Finalizohet operacioni i koduar “Historiku”.

Sekuestrohen 3 armë zjarri, 300 fara Cannabisi, sasi Cannabisi dhe municion luftarak.

Arrestohet shtetasi që mbante në banesë, sendet e kundërligjshme, me qëllim shitjen.

I arrestuari, shtetas me precedent penal.

Si rezultat i administrimit të shpejtë të informacioneve të siguruara në rrugë operative, se një shtetas me precedent penal, ishte përfshirë në disa veprimtari kriminale, shërbimet e Komisariatit të Policisë Përmet, në bashkëpunim me shërbimet e Stacionit të Policisë Këlcyrë, finalizuan operacionin e koduar “Historiku”.

Në kuadër të këtij operacioni, u kap në flagrancë dhe u vu në pranga shtetasi K. K., 33 vjeç, banues në Përmet, me precedent penal në fushën e narkotikëve.

Nga kontrolli në banesë e tij, u gjetën 3 armë zjarri (1 kallashnikov dhe 2 pushkë), 300 fara Cannabisi, sasi Cannabisi e dyshuar e poseduar me qëllim shitjen, si dhe 4 krehra dhe fishekë luftarak.

Armët do të dërgohen në Institutin e Policisë Shkencore, për t’iu nënshtruar ekspertizës nëse janë përdorur në ngjarje kriminale.

Materialet procedurale iu referuan Prokurorisë së Gjirokastrës, për veprime të mëtejshme.





Lajmet e fundit nga