web counter
LEXO PA REKLAMA!

SHKARKO APP

App Store
Google Play

4 raste dhune në Korçë e Maliq/ Procedohen 5 persona

29 Tetor 2023, 10:44, Kronika CNA
4 raste dhune në Korçë e Maliq/ Procedohen 5 persona
Foto ilustruese

4 raste dhune janë regjistruar së fundmi në Korçë dhe në Maliq.

Bëhet fjalë për një rast dhune ndaj ish-bashkëjetueses dhe 3 të tjera janë konflikte për motive të dobëta.

Blutë njoftojnë këtë të diel se për dhunën e regjistruar janë proceduar penalisht 5 persona.

Konkretisht janë proceduar penalisht shtetasit:

-M. F., 46 vjeç, banues në fshatin Moravë, Korçë, pasi për motive të dobëta, dyshohet se ka goditur me sende të forta, në kokë, një 51-vjeçar, i cili pasi mori mjekim në spitalin e Korçës, u largua në banesë;

-A. H., 45 vjeç, banues në Maliq, sepse dyshohet që pas një konflikti për motive të dobëta, i ka hyrë me forcë në banesë dhe ka goditur me grushte, një 30-vjeçar;

-P. Th., 28 vjeç dhe B. Th., 54 vjeç, banues në fshatin Zvirinë, Maliq, pasi dyshohet që gjatë një konflikti për motive të dobëta, kanë goditur me grushte, në fytyrë, një 57-vjeçar, në fshatin Zvirinë;

-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi në gjendje të lirë për shtetasin A. P., 19 vjeç, banues në Pogradec, pasi në rrugën "Rinia", Pogradec, dyshohet se ka ushtruar dhunë fizike ndaj ish-bashkëjetueses së tij./ CNA





Lajmet e fundit nga